پیرۆزبایی لەکۆمەڵانی خەڵکی کوردستان و، گەلەکەمان لەسەرانسەری کوردستان دەکەین و هیواخوازین، ئەم جەژنە، وەک جەژنی گەردن ئازادیی و لێبوردەیی لەیەکتر، لەپێناو گەشەپێدانی ئاشتی کۆمەڵایەتی، قبوڵکراو بێت.
بەئومێدیشەوە؛ لەهەڵوێستی سەرجەم لایەنە سیاسییەکانی کوردستان دەڕوانین، کە لەم بۆنە نیشتمانی و ئایینییەدا، بەئامانجی یەکڕیزیی و یەک هەڵوێستی گەلەکەمان، لەبەرامبەر مەترسییەکانی بارودۆخی ئێستای ناوچەکه و هەلومەرجی پێکهێنانی حکومەتی عیراق، کە پابەندبێت بەتەواوی ماده و بڕگەکانی دەستور و ڕێککەوتنەکان جێبەجێ بکات، کێشەی ئابوری خەڵک و خزمەتگوزارییەکان چارەسەر بکات، تێبکۆشن.
هەر لەم جەژنی لێبوردەیی و گەردن ئازادییەشدا، ڕایدەگەیەنین، کە:
داوای لێبوردن و گەردن ئازادیی، لە #بزووتنەوەی گۆڕان# دەکەین، کە ئەگەر هەر ڕووداوێک، لەدەرەوەی بڕیاری ڕەسمی #یەکێتیی نیشتمانیی کوردستان# نیگەرانی کردبێتن!
بەتایبەت له و ڕووداوەی کە بەهۆی کۆی کێشەکانی شەوی تەتەڵەکردنی دەنگەکانی هەڵبژاردنی ڕابردوودی ئەنجومەنی نوێنەرانی عیراق لە(12/5/2018)، ڕویدا.
ئەم پەیامەشمان، لەهەستی بەرپرسیارێتمان بەرامبەر بەچارەنوسی گەلەکەمان و هەموو لایەنە سیاسییەکان و چارەسەرکردنی کێشە سیاسی، ئابوریی و کۆمەڵایەتییەکانەوە، هەڵدەقوڵێت..
دووبارە، جەژنتان پیرۆز..
راگەیاندنی مەکتەبی سیاسی
یەکێتیی نیشتمانیی کوردستان
#21-08-2018#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,195 car hatiye dîtin
Raya xwe li ser vî babetî binivîsin!