ئەمڕۆ 10/6، ڕۆژی جیهانی مامۆستایانە، توێژێک کە هۆکاری گەشەسەندنی کۆمەڵگە و خوێندەواربوونی تاکەکانی هەموو گەلێکن.
لەم چەند ساڵەی ڕابردوودا، هەرێمی کوردستان بە دۆخێکی ئابووریی قورسدا تێپەڕی و قەیرانی دارایی کاریگەری لەسەر توێژی مامۆستایان لە هەموو چین و توێژەکانی دیکە زیاتر بوو، بەڵام بە خۆشحاڵییەوە و بە هۆی بەرپرسیاریەتی ئەم توێژە بەرامبەر کۆمەڵگە نەهێڵدرا دەرگای قوتابخانەکان دابخرێت و پڕۆسەی خوێندن پەکی بکەوێت. مامۆستاکانمان هەروەک #پێشمەرگە#کان کە بەرگرییان لە سنوورەکان کرد بەرامبەر بە هێرشی سەربازی #داعش#، مامۆستاکانیشمان لە ناوخۆدا بە فێرکردن نەیانهێشت بیری نائینسانی ئەم گرووپە، هزری تاکی کوردی داگیر بکات.
#وەزارەتی پەروەردە# بە ئەرکی خۆی دەزانێت هاوکار و داکۆکیکاری مامۆستایان بێت بۆ ئەوەی ئاستی زانستییان بەرزتر و باری گوزەرانیان باشتر بێت.
پیرۆز بێت ڕۆژی جیهانی مامۆستایان
وەزارەتی پەروەردە
بەڕێوەبەرایەتی ڕاگەیاندن
#06-10-2018#
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,285 car hatiye dîtin