پڕۆژەی نۆژەنکردنەوەی 15 قوتابخانە لە #هەولێر# و #دهۆک# کۆتاییهات، ئەمڕۆ لە مەراسیمێکدا لە یەکێک لە قوتابخانەکانی هەولێر کرانەوە.
بە ئامادەبوونی د. پشتیوان سادق، وەزیری پەروەردەی هەرێمی کوردستان و نوێنەری دەزگای ڕوانگە و ڕێکخراوی جی ئای زێدی ئەڵمانی، ئەمڕۆ لە قوتابخانەی بابانی بنەڕەتی لە شاری هەولێر مەراسیمی کردنەوەی 15 قوتابخانە بەڕێوەچوو.
10 قوتابخانەیان لە پارێزگای هەولێر و پێنجی دیکەشیان لە پارێزگای دهۆکن، هەر 15 قوتابخانەکە بەگوژمەی ملیۆنێک و 500 هەزار یۆرۆ جێبەجێکراون، کە تێیدا 985 کەس کاریان کردووە و زیاتر لە هەشت هەزار کەسیش سوودمەندبوون.
لە مەراسیمەکەدا وەزیری پەروەردە ڕایگەیاند قوتابخانەکانی بابان، کوردستان و جمهوری لە قوتابخانە کۆنەکانی هەرێمی کوردستانن و گرنگە نۆژەنبکرێنەوە. ئەوەی جێگەی شانازییە ڕێکخراوی جی ئای زێدی ئەڵمانی و کویکای کۆری دوون لەو ڕێکخراوە بیانییانەی کە دەستیان لە زۆرترین قوتابخانە هەبووە؛ چ لەڕووی دروستکردن بێ یان نۆژەنکردنەوەوە.
پشتیوان سادق ئاشکراشیکردووە، حکومەتی هەرێمی کوردستان پلانی هەیە بۆ نۆژەنکردنەوەی ئەو قوتابخانانەی پێویستیان بە نۆژەنکردنەوەیە، بۆیە بڕیاریداوە مانگانە ملیارێک و 500 ملیۆن دینار بۆ تەواوکردنی پڕۆژە پەروەردەییەکان دابینبکرێت و وەزارەتیش بەکردەیی دەستی بە کارەکان کردووە.
بەگوتەی وەزیری پەروەردەی هەرێمی کوردستان لە ماوەی ئەم چوار ساڵە قەیراناوییەدا زیاتر لە دوو هەزار قوتابخانە دروست و نۆژەنکراونەتەوە.[1]
#12-11-2018#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,647 car hatiye dîtin
Raya xwe li ser vî babetî binivîsin!