دوای ئەنجامدانی نەشتەرگەری گۆڕینی زمانەی دڵ لە سەنتەری دڵ لە #سلێمانی# بە سەرکەوتویی، بەبێ کردنەوەی سنگ وەزیری تەندروستی لە کۆنگرەیەکی ڕۆژنامەوانیدا وتی نەشتەرگەری نەخۆشیەکانی دڵ بڕی 40 هەزار دۆلاری تێدەچێت و هەتا ئێستا حکومەتی هەرێم دابینی کردوە.
د. ڕێکەوت حەمە ڕەشید وەزیری تەندروستی حکومەتی هەرێمی کوردستان لە کۆنگرەیەکی ڕۆژنامەوانیدا ڕایگەیاند: سەرەڕای قەیرانەکان ساڵ بە ساڵ چارەسەری نەخۆشیەکانی دڵ و نەشتەرگەری لە هەرێم بەرەوپێشەوە دەچێت، بەتایبەت کەرتی تەندروستی لە شاری سلێمانی زۆر باش بەرەوپێش چوە.
وتیشی: دوو پزیشکی پسپۆڕ لە وڵاتانی ئەڵمانیا و هیندستان هاتوونەتە شاری سلێمانی بۆ دروستکردنی تیمێک لەگەڵ پزیشکانی هەرێم بۆ چارەسەرکدنی نەخۆشیەکانی دڵ.
ئەوەشیخستەروو، کەلە ئێستادا نەخۆش پێویستی بەوە نیە بۆ نەشتەرگەری نەخۆشی دڵ سنگی بکرێتەوە بەڵکو لەڕێگەی کونێکەوە و بە بۆری چارەسەرکە دەکرێت.
وەزیری تەندروستی ئاماژەی بەوەشکرد، کەنەشتەرگەری دڵ بڕی 40 هەزار دۆلاری تێدەچێت و هەتا ئێستا حکومەتی هەرێم ئه و بڕە پارەیەی دابین کردوە.
وتیشی: هەرێم لە ئێستادا قەیرانە قورسەکانی تێپەڕاندوه و بەره و هەستانەوە دەچێت.[1]
#24-11-2018#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,079 car hatiye dîtin
Raya xwe li ser vî babetî binivîsin!