خوری چاک بە پشتی مەڕيەوەيه
ناکرێت بوترێت(خوری چاک بەپشتی بزنەوەيە) بەڵام دەتوانرێت بوترێت(موی چاک بەپشتی بزنەوەيە) خوری کە يەکێک لەکەرەسە سەرەتاييەکانی پيشەسازی بەن وجل و بەرگ و فەرش و ڕايەخ و جاجم و بەرماڵ و تورەگه و قاپوت و سەرگڵاو و کوڵەباڵ-کورەبار.... تاد، سەرچاوەکەی(پشتی مەڕه)ە، ئينجا ئەوە مانا ڕاستيەکەی پەند و ئيديۆمەکەيە بەڵام مەبەستی بەکارهێنانی دەکرێت لەدوو لاوە بۆی بچين: يەکەم وەک ئەوەی بڵێی(گيا لەجێی عاسێ دەمێنێتەوە) واتە ئه و خوريەی چاکە لەپشتی مەڕەکەی لێ نەکراوەتەوە تەنها ئه و خوريەمان دەست کەوتووە کەباش نی يە ودووەميش واتە هيچ هەڵناگرێ پێويست ناکات بەدوای خوری لە هيچ شوێنێ بگەڕێين تەنها لە پشتی مەڕ و لەلای مەڕ دەست دەکەوێت، هەڵبەت ئەگەر لە شت و مەکی دەگمەنيش بگەڕێيت لەشوێنی خۆيدا چنگت بکەوێت دەتوانی بڵێی(خوری چاک لە پشتی مەڕەوەيە)
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,147 car hatiye dîtin