دواڕۆژ، ئاکۆ حەمەد ڕابی
بەڕێوەبەری گەشتوگوزاری #سۆران# ڕایدەگەیەنێت: ڕۆژی هەینی نزیکەی پێنج هەزار گەشتیار سەردانی دەڤەری سۆران و چیایی کۆڕەکی گەشتیاریان کردووە، دەشڵێت: بەراورد بە زستانی ڕابردوو ڕێژەی هاتنی گەشتیاران زیاتر لە دوو ئەوەندە زیادیکردووە و گەشتیاری زستانە له و سنورە بوژاوەتەوە.
بارزان محەمەد، بەڕێوەبەری گەشتوگوزاری سۆران بە دواڕۆژی وت: بەهۆی بارینی بەفر و ئه و دیمەنە سروشتی و سەرنجڕاکێش و سەحراویانەی کە لەتەواوی دەڤەری سۆران هەن، ڕۆژی هەینی ژمارەیەکی زۆری گەشتیاری ناوخۆی و دەرەوە سەردانی دەڤەرەکەیان کرد بەمەبەستی بەسەربردنی کاتێکی خۆش و چێژبینین له و ژینگە و سروشتە دڵرفێنەی ناوچەکە.
وتیشی: هەینی زۆرینەی ناوچە گەشتیارییەکان بە تایبەت شوێنە گەشتیارییە بەرزەکان و ناوچە شاخاوییەکان پڕبوون لە گەشتیار، بە جۆرێک نزیکەی پێنج هەزار گەشتیار ڕوویان کردبووە چیایی کۆڕەکی گەشتیاری و ناوچەکانی دیکە.
بەڕێوەبەری گەشتوگوزاری سۆران باسی لەوەشکرد: ئه و گەشتیارانە بەشێکیان لە هەرێمی کوردستان و هەندێکیشیان لە باشور و ناوەڕاستی عێراق سەردانی ناوچە گەشتیارییەکانی دەڤەرەکەيان کردبوو.
ئاماژەی بەوەشدا: لایەنی گەشتوگوزاری زستانە زۆر بوژاوەتەوە و هاتنی گەشتیاری زستانە بەراورد بە ساڵی ڕابردوو دوو ئەوەندە زیادیکردووە، بۆ نمونە ئەگەر زستانی ساڵی ڕابردوو لە ڕۆژێکی پێنجشەممەدا هەزار گەشتیار هاتبێتە سنورەکە، ئەمساڵ بەرزبووەتەوە بۆ سێ هەزار گەشتیار.[1]
#19-01-2019#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,480 car hatiye dîtin
Raya xwe li ser vî babetî binivîsin!