دواڕۆژ، عەلی حەمە سەعید
بەبڕی یەک ملیار دینار و لەسەر بودجەی وەزارەتی کشتوکاڵ و سەرچاوەکانی ئاو، لەئەمڕۆ 22ی کانونی دووەمەوە دەستکراوە بە دابەشکردنی پەینی کیمیایی بەسەر جوتیارانی سنوری پارێزگای #هەڵەبجە#.
بۆ هەر دۆنمێک زەوی بڕی 30 کیلۆ پەینی کیمیایی دەدرێتە جوتیاران، ئەوەش دوای ئەوەی ماوەی چوار ساڵە بەهۆی قەیرانی دراییەوە ڕاگیراوە.
ستار مەحمود، بەڕێوەبەری گشتی کشتوکاڵی هەڵەبجە بە دواڕۆژی ڕاگەیاند: دوای زیاتر لە چوار ساڵ دابەشنەکردنی پەینی کیمیایی بەسەر جوتیارانی سنوری پارێزگای هەڵەبجە بەهۆی قەیرانی داراییەوە، ئەمساڵ بە هەوڵی بەردەوامی بەشی خزمەتگوزاری کشتوکاڵی بەڕێوەبەرایەتییەکەمان توانیمان بە بڕی یەک ملیار دینار پەینی کیمیایی لە جۆری (یۆریا) بۆ جوتیارانی سنورەکەمان دابینبکەین.
ئاماژەی بەوەشکرد: ئەو پەینی کیمیاییەی دابینکراوە لە ئەمڕۆوە دەستمانکردوە بە دابەشکردنی بەسەر ئەو جوتیارانەی کە زەوییەکانیان بە گەنم و جۆ چاندووە کە بۆ هەر دۆنمێک بڕی 30 کیلۆ پەینی کیمیاییان پێدەدرێت و بە پاڵپشتی لە %50ی نرخەکەیان لێوەردەگیرێتەوە.
بەڕێوەبەری گشتی کشتوکاڵی هەڵەبجە ئەوەشی خستەڕوو: لەسنوری پارێزگای هەڵەبجە ڕووبەری 80 هەزار دۆنم زەوی بە گەنم و جۆ داچێنراوە، بۆ ئەو مەبەستەش بڕی دوو هەزار و 472 تەن پەین ئامادەکراوە کە دابەشی بکەین بەسەر جوتیارانی سنورەکەدا.[1]
#22-01-2019#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,068 car hatiye dîtin
Raya xwe li ser vî babetî binivîsin!