کوردستانیانی خۆشەویست
ساڵی 2019 و ساڵانی پێشوو بۆ هەرێمی کوردستان و کورد قۆناغی سەخت و دژوار بوو، بە خۆڕاگری ئێوەو قارەمانێتی هێزیپێشمەرگەی کوردستان توانیمان بەسەر بەشێک لە کێشەکان زاڵ بین و مەترسی #داعش# لە کوردستان دوور بخەینەوە، ئێستا کە کوردستان وعێراق بە دۆخێکی یەکجار هەستیارو مەترسیداری ناوخۆیی و ناوچەیی و نێودەوڵەتی تێپەڕ دەبێ، کاریگەرییەکانی ئەم ڕووداوانە لەسەرکوردستان کەم نین و ئەگەر کورد خۆی بۆ ئەگەرو گۆڕانکارییەکان ئامادە نەکات تووشی ڕووداوی نەخوازراو دەبین، بۆیە ئەرکە لەسەرهەموومان لە هێزو لایەنە سیاسییەکان یەکدەنگ و یەکهەڵوێست بین و سازو ئامادە بین بۆ هەر ئەگەرێک کە دێتە پێش، بە جۆرێک بەرژەوەندیباڵای گەلەکەمان بخەینە پێش هەر جۆرە بەرژەوەندییەکی کەسی و حزبی، تەنهاو تەنهاش دەتوانین بە یەکڕیزی زاڵ بین بەسەر کێشەکاندا.
هاووڵاتیانی خۆشەویست...
ئاواتەخوازم ساڵی تازە ساڵی بەدیهاتنی خەون و ئاواتەکانی گەلەمان بێ، ساڵی تێپەڕاندنی قەیرانەکان و کۆتایی هێنان بێ بە ململانێکان، هەموومان پێکەوە کاربکەین لە پێناو پێشکەشکردنی خزمەتگوزاری زیاترو پەرەپێدانی چاکسازی و بەشداری ڕاستەقینەی هەموو هێزو لایەنەسیاسییەکان لە بڕیارو سیاسەتی گشتی هەرێمی کوردستان.
بۆ عیراقیش، بە یەک پاکێج و لەسەر بنەمای دەستووری عێراقی داکۆکی لە مافە دەستوورییەکانمان بکەین و لەژێر سایەی عێراقێکیدیموکرات و فیدرالدا شەریکی ڕاستەقینەی دەسەڵات بین و پشتیوانی لە هەموو هەنگاوێکی چاکسازی بکەین و بە وریاییەوە مامەڵە لەگەڵپرسی تیرۆرو مەترسی دووبارە سەرهەڵدانەوەی تیرۆر بکەین و بەهاوکاری هاوپەیمانانمان بەردەوام بین لە بەرەنگاربوونەوەی تیرۆروتیرۆرستان.
دووبارە سەری ساڵی تازەی زایینی لە هەموو کوردستانیان پیرۆز بێ و ساڵی ئایندە ساڵی خۆشی و شادی بێ بۆ هەموو کوردستانیان.
کۆسرەت ڕەسوڵ عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانی کوردستان
#31-12-2019#
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,208 car hatiye dîtin
Raya xwe li ser vî babetî binivîsin!