ناوەندی ڕاگەیاندن و چاپەمەنی هێزەکانی پاراستنی گەل-#هەپەگە#، سەبارەت بە ئامانجگرتن و شەهیدکردنی هاوڵاتیانی مەدەنی لە باشوری کوردستان لە لایەن فڕۆکە جەنگیەکانی دەوڵەتی تورک ڕاگەیەندراوێکی بڵاوکردەوە کە تێیدا هاتووە:
سوپای داگیرکەری تورک لە 26 و 27ی ئەم مانگە لە گوندی چەمشەریتکێ و چیای زێباری لە #ئاکرێ# لە سنوری پارێزگای #دهۆک#-ی بۆردوومان کرد.
فڕۆکە بێ فڕۆکەوانەکانی دەوڵەتی تورک بەشێوەی ئەنقەست هاوڵاتیان بۆردوومان دەکات، لەم هێرشەدا هاوڵاتیەک بەناوی سەید حەبیب سیرانی شەهیدبوو هاوڵاتیەکی دیکە بەناوی نزار حاجی شابان بە قورسی برینداربوو.
پیلانی سوپای داگیرکەری تورک ئەوەیە کە باشور داگیربکات و بەم ئامانجەش بەشێوەیەکی دڕندانە هێرش دەکاتە سەر هاوڵاتیانمان، سوپای داگیرکەر بە ئەنقەست هەرێمە مەدەنییەکان بۆردوومان دەکات، گەلانی ئێمە لەو هەرێمانە بەساڵانە لە واری خۆیان دەژین، سوپای داگیرکەری تورک گەریلاکانی ئازادی دەکاتە بەهانە و دەیەوێت ڕەوایەتی بەو هێرشانە بدات، ئەو هەرێمانەی کە بۆردوومان کراون هیچ گەریلایەکی ئێمەی لێ نییە.
دەبێت بزانرێت هێزی پاراستنی گەلی کوردستان بەشێوەیەکی توند تۆڵە لە سوپای داگیرکەری تورک دەکاتەوە، ئێمە سەرەخۆشی خۆمان ئاراستەی بنەماڵەی هاوڵاتیە شەهیدەکە بەناوی سەید حەبیب سیرانی دەکەین و هیوای زووچاکبوونەوە بۆ هاوڵاتیە بریندارەکە دەخوازین.[1]
#28-01-2020#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,090 car hatiye dîtin
Raya xwe li ser vî babetî binivîsin!