بەناوی خوای گەورە و میهرەبان
کوردستانییانی خۆشەویست داواتا لێدەکەم مەترسی پەتای ئەم ڤایرۆسە زۆر بەجیدی وەربگرن، بۆ ئەوەی ژیانی خۆتان و خانەوادەکانتان ئازیزەکانتان و هەموو کوردستان سەلامەت بێت، دواکارم لێتان کە پابەندی ڕێنماییەکانی وەزارەتی تەندروستی و ناوخۆ بن. ئەو بەڕێزانە لە پزیشک و فەرمانبەر و پۆلیس و ئاسایش و هەموو ئەوانەی لە خەتی پێشەوەن و خزمەت دەکەن بۆ ئەوەی ئێوە سەلامەت بن، داواکارم لێتان ئێوەش هاوکارییان بکەن.
حکومەتی هەرێمی کوردستان چەندین ڕێکاری گرتووەتەبەر لە خاڵە سنوورییەکان و لەنێو خودی کوردستان، بۆ ئەوەی ئێوە زیاتر پارێزراوبن.
قەدەخەی هاتووچۆ تاوەکو 01-04 درێژکراوەتەوە و داواکارم لە ماڵەکانتان بمێننەوە و پەیوەندییەکانتان سنووردار بکەن. تکاتان لێدەکەم سەرپێچی ئەو ڕێنماییانە نەکەن، چونکە نەک تەنیا ژیانی خۆتان ژیانی هەموو ئازیزان و خەڵکی کوردستانیش دەخەنە مەترسییەوە.
هیوادارم بەیەکەوە بتوانین ڕووبەڕووی ئەم پەتایە بووەستینەوە و نەهێڵین بڵاوببێتەوە، هاوکاری ئێوە و بە پشتیوانی ئێوە دەتوانێت ڕێگە لە بڵاوبوونەوەی ئەم پەتایە بگرێت.
پشت بەخوا هەموومان بەیەکەوە دەتوانین ڕووبەڕووی ئەم پەتایە ببینەوە. هیوادارم هەمووتان سەلامەت بن و کوردستانیش سەلامەت بێت.
#23-03-2020#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,958 car hatiye dîtin
Raya xwe li ser vî babetî binivîsin!