بەڕێوەبەری گومرکی پارێزگای #ورمێ# دەڵێت، هەناردەی کاڵا لە ئێرانەوە بۆ هەرێمی کوردستان و لەڕێگەی دەروازەی حاجی ئۆمەران لە 102% زیادیکردووە.
تەوحید ئازەربۆد، بەڕێوەبەری گومرکی پارێزگای ورمێ ڕایگەیاند، لە دوو مانگی ڕابردوودا 228 هەزار تۆن کاڵا و شتومەک بە بەهای 271 ملیۆن دۆلار لەڕێگەی دەروازەی نێودەوڵەتیی حاجی ئۆمەرانەوە هەناردەی هەرێمی کوردستان کراوە کە لە ڕووی کێشەوە 48% و لەڕووی بەهاوە 102% بەراورد بە هەمان ماوە لە ساڵی ڕابردوو زیادیکردووە.
بەڕێوەبەری گومرکی پارێزگای ورمێ دەڵێت، 61 هەزار تۆن لەو 228 هەزار تۆنەی کە هەناردەی هەرێمی کوردستان کراوە لە ڕێگەی دەروازەی حاجی ئۆمەرانەوە لە پارێزگای ئازەربایجانی ڕۆژئاوا بووە کە بەهاکەی 71 ملیۆن دۆلار بووە و 167 هەزار تۆنی دیکەش کە بەهاکەی 200 ملیۆن دۆلار بووە لە پارێزگاکانی دیکەی ئێرانەوە کاڵا لەڕێگەی ئەو دەروازەیە هەناردەکراوە.
لەلایەکی دیکەوە بەڕێوەبەری گومرکی پارێزگای ورمێ ئاشکرای کرد لە دوو مانگی ڕابردوودا 701 هەزار تۆن کاڵا و شتوومەک بە بەهای دوو ملیۆن و 520 هەزار دۆلار کاڵا لە دەروازەی حاجی ئۆمەرانەوە هاوردەی ئێران کراوە.[1]
#28-05-2020#
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,651 car hatiye dîtin
Raya xwe li ser vî babetî binivîsin!