ڕاگەیەنراوەکەی #هەپەگە# بەم شێوەیەیە:
#ئامەد#
8ی حوزەیران لە درەنگانی شەودا سوپای داگیرکەری تورک لە دەڤەری گوندەکانی جوماتا، هندس و سەلیمای ناوچەی فارقینی ئامەد دەستی بە ئۆپەڕاسیۆن کرد. ئۆپەڕاسیۆنەکە بە پشتگیری هەلیکۆپتەر و ئۆتۆمبێڵی سەربازی ئەنجامدرا، سوپای تورک بە سەختی ناوچەکانی بۆردومان کرد. سوپای داگیرکەر تا بەیانی 9ی حوزەیران دەڤەرەکەی بۆردومان کرد و کاتێک هیچ ئەنجامێکی بەدەست نەهێنا، ئاژەڵی ماڵی گوندەکانی ناوچەکەی کردە ئامانج و ژمارەیەک ئاژەڵ لەناوبران. هێزە داگیرکەرەکان لەهەمانکاتدا بە هاوکاری کۆنتراکان کە جلی هێزەکانی ئێمەیان لەبەر کردبوو، لە گوندەکانی جوماتا، هندس و سەلیما کاری کۆنترایان کرد.
شڕنەخ
10ی حوزەیران سوپای داگیرکەری تورک لە دەڤەری مەرگەزەرینی بەرزاییەکانی ناوچەی قلەبانی شڕنەخ دەستی بە ئۆپەڕاسیۆن کرد. هەمان ڕۆژ هەلیکۆپتەرەکانی دوژمن ناوچەکەیان بۆردومان کرد و بە هەلیکۆپتەری سکۆرسکی سەرباز بۆ ناوچەکە گواسترانەوە. 12ی حوزەیران فڕۆکە جەنگیەکان ناوچەکەیان بۆردومان کرد. ئۆپەڕاسیۆنەکە هەمان ڕۆژ بێ ئەنجام کۆتایی هات.
گارە
12ی حوزەیران فڕۆکە جەنگیەکانی سوپای داگیرکەر، دەڤەری دەشتی کاڤیا و گوندی کانیسارکێی هەرێمی گارەی سەر بە هەرێمەکانی پاراستنی میدیایان بۆردومانکرد کە شوێنی ژیانی خەڵکی مەدەنیە. بەهۆی بۆردومانی فڕۆکە جەنگیەکانی دوژمن، لە هەرێمەکە ئاگر کەوتەوە.[1]
#13-06-2020#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,612 car hatiye dîtin
Raya xwe li ser vî babetî binivîsin!