کونسوڵخانەی ئەمریکا لەهەولێر ڕایگەیاند: ئەمڕۆ 3ی ئاب ساڵڕۆژی یادی جینۆسایدکردنی ئێزدیانی بێتاوانە لەلایەن تیرۆستانی داعشەوە. ڕاشیگەیاند: ولایەتە یەکگرتووەکانی ئەمریکا پاڵپشی کۆمەڵگای ئێزیدییەکان دەکات بۆ خۆبونیاتنانەوە و ئاوەدانکردنەوەی ناوچەکانیان لەدوای هەڵمەتە پلان بۆ داڕێژراوەکەی ساڵی 2014.
راشیگەیاند: حکومەتی ئەمریکا لەساڵی 2018دا یاسای بەهاناوەچوونی قوربانیانی جینۆسایدو لێپرسینەوە لەناو عیراق دەرکرد، بەمەبەستی دڵنیابوون لەوەی ئەو هاوکارییە مرۆیییانەی بۆ هاووڵاتیانی عیراق و سوریا و سەقامگیربوونیان تەرخان کراوە، دەگاتە ئەو پێکهاتە و کۆمەڵگە ئیتنیکییانەی کە زۆرتر پێویستییان پێیەتی، لەنێویاندا ئەو پێکهاتانەی کە ڕووبەڕووی زوڵم و چەوساندنەوە بوون یاخود تاوانەکانی جەنگییان دەرهەق پێکراوە.
کونسوڵخانەی ئەمریکا ئاماژەی بەوەشدا: پارێزگاریکردن لەو کۆمەڵگایانەی مەترسییەکانی توندوتیژییان لەسەرە، لەپێشینەی کارەکانی مافی مرۆڤی حکومەتی ئێستای ئەمریکایە.[1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,125 car hatiye dîtin
Raya xwe li ser vî babetî binivîsin!