هەنگاو: لە ماوەی مانگی زایینیی ڕابردوودا لانیکەم 37 چالاکی کورد لە لایەن دەزگای دادوەریی ئێرانەوە حوکمی سێدارە، بەندکران، لێدانی قامچی و پێبژاردنیان بە سەردا سەپاوە.
بە پێی ئاماری تۆمارکراو لە ناوەندیی ئاماریی ڕێکخراوی مافی مرۆڤی هەنگاو، لە مانگی تەموزی 2020، لانیکەم 36 چالاکی مەدەنی، سیاسی و مەزهەبیی کورد لە لایەن دەزگای دادوەریی ئێرانەوە دادگایی کراون و سەرجەم حوکمی 103 ساڵ و 6 مانگ بەندکران(تعزیری)، 13 ساڵ حوکمی بەندکرانی هەڵپەسێردراو(تعلیقی) و لێدانی 354 قامچییان بە سەردا سەپاوە. چالاکێکی دینیش حوکمی سێدارەی بە سەردا سەپاوە.
بە پێی ئەم ڕاپۆرتە، 16 چالاکی سیاسی، 11 چالاکی مەزهەبی و 10 چالاکی مەدەنی لە مانگی ڕابردوودا دادگایی کراون و حوکمیان بە سەردا سەپاوە.
شایانی باسە کە دوو چالاکی سیاسیی ژن لە مانگی ڕابردوودا سەرجەم حوکمی 20 ساڵ و 5 مانگ و هەروەها لێدانی30 قامچییان بە سەردا سەپاوە.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,996 car hatiye dîtin
Raya xwe li ser vî babetî binivîsin!