تا لەئاو نەدرێت گونی قۆڕ دەرناکەوێت
لەکوردەواریدا قۆڕی نەخۆشیەکی شەرمەندە بووە و حەزنەکراوە کەس به و نەخۆشیەی بزانێت، وتراویشە(خزمی خراپ گونی قۆڕە بیبڕی وەی نەیبڕی وەی)یان(خزمی خراپ گونی قۆڕە هەردەبێت تەکەتەکی بێت) چونکە ڕیخۆڵە بەهۆی نەمانی پەردەیەکەوە شۆڕدەبێتەوە بۆ هێڵکەکانی گوون، ئەمەش بەهۆی ماندووبون و بازدان و بڵندکردنی شتی قورس نێرینەکان زیاتر دووچار دەبوون، ئینجا شەڕواڵی کوردی پان و پۆڕە گون ئەگەر زۆر گەورە نەبێت لەناویدا دەر ناکەوێت، بەڵام ئەگەر لە ڕووبارۆچکەیەک یان گۆمیلکەیەک یان قوڵەتێنێک خۆت تەڕ بکەیت، ئەوا لەکاتی دەرهاتن لەئاوەکە شەرواڵەکە دەنوسێت بەپێستەوە و گەروگوون بە گەورەیی دەردەکەوێت، ئەمە لایەنە ڕاستەقینەکەیە لایەنی ئیدیۆم و مەبەستەکەی ئەوەیە لەکاتی ڕووداو وگۆڕانکاری و ناهەمواری و کارەسات و تەنگانەدا هەندێ کەس دەردەکەوێت کە بەهیچ کلۆجێ درک بەوە نەکراوە کە پیاو و کەسی له و شێوەیە هەبێت بەتایبەت لەبواری نابەجێ و پیاوخراپی و جاشایەتی و بەکرێگیراوی و سیخوڕی وهەواڵگری بۆ دوژمن له و کاتەنەدا کە پیاو خراپ دەردەکەوێت دەوترێت(تا لەئاو نەدرێت گونی قۆڕ دەرناکەوێت).[1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 572 car hatiye dîtin