عومری پیرە مەڕێکی ماوە.
بەرخەمێ تەمەنی لەساڵێک کەمترە و دوای ساڵێک دەبێتە (کاوڕەمێ) و دووساڵان دەبێتە (بەردیل) دەوترێت (کچێکی هێندە باشە سەد بەردیلی دەهێنێت) ساڵی سێیەمی تەمەنی دەبێتە (مەڕ) و (مەڕی یەک بەرخ و دوو بەرخ و سێ بەرخ) دواتر لە حەوت ساڵییەوە دەبێتە (قەیرە و یەک قەیرە و دوو قەیرە و..تاد) مەڕ بەشێوەیەکی گشتی تەمەنی لەنێوان (7-13)ساڵانە، پیرە مەڕ لە تەمەنی (7)ساڵییەوە دەستپێدەکات بەتەمەنترینیان لە (13)ساڵی کۆتایی دێت، لەکوردەواریدا کراوە بە ئیدیۆم گوزارشتە لە بەساڵاچوون و وتراویشە (سەری لە گێی قەبران دەلەرزێ)یان ئەوانەی بەتەمەنن ئەو ئیدیۆمەی زۆر بەکاردەهێنن عەبدولستار تاهیر شەریف لەدوا چاوپێکەوتنیدا ئەو ئیدیۆمەی بەکارهێناو وتی لەچی بترسم بابمکوژن عومری پیرە مەڕێکم ماوە و دواتریش تیڕۆرکرا، بەهەرکەسێک بوترێت عومری پیرە مەڕێکی ماوە، واتە تەمەنی گەیشتۆتە دوا مەنزلگا و کۆتایی.
عومری پیرە مەڕێکی ماوه
مەڕ، ئاژەڵێکی ماڵیە و مرۆڤ لە دێرزەمانەوە هەزاران ساڵ بەر لەزایینەوە لە گوندی چەرمۆی چەمچەماڵ ماڵیکردووە، یەکێکە لەو ئاژەڵانەی کەتەمەنی کوورتە و هەتا دە ساڵان دەژیێت، کەواتە پیرەمەڕ ئەو مەڕە دەگرێتەوە کە لەسەرووی شەش ساڵییەوە بۆ دە ساڵی بێت، ئەو عومر کوورتییەی مەڕ کراوە بە ئیدیۆم و بەکەسێکی بەتەمەن و بەساڵاچوو دەوترێت کە لە ڕۆخی قەبر بێت و ژیانێکی زۆری گوزەراند بێت، عەبدولستار تاهیر شەریف بەر لە تیرۆرکردنی لە چاوپێکەوتنێکدا وتی: لە چی بترسم عومری پیرە مەڕێکم ماوە با بمکوژن.[1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,832 car hatiye dîtin
Raya xwe li ser vî babetî binivîsin!