تا ماڵ پێی بوێت، مزگەوت بەتاڵە
وتراویشە(تا ماڵ بیەوێت بە مزگەوت حەڕامە)، دەگێڕنەوە لەیەکێک لەمزگەوتەکانی شاری کۆیە، ڕۆژێک خێرومەندێک فەرشێکی زۆر جوان بەدیاری بۆ مزگەوتەکە دەبات، مەلای مزگەوتەکەش دەستخۆشی لێ دەکات و بەکارێکی گەورەی دادەنێت و دەڵێت هەر کەسێک مزگەوتەکانی خودا ئاوەدان بکاتەوە خێرێکی گەورەیە و پاداشتێکی گەورەی لەلایەن خوداوە پێ دەدرێت، دواتر خێرومەندەکە دەڕوات و مەلایەکەش بانگی کوڕەکەی دەکات و دەڵێت: کوڕم ئه و فەرشەی ببەوە ماڵەوە.
کوڕەکەشی دەڵێت: بابە تازە چت به و پیاوە گووت، چۆن بیبەمەوە ماڵێ، باوکیشی دەڵێت: لەماڵێ فەرشی وامان هەیە ئەویش دەڵێ نا، ئێ کەواتە کورد فەرمویەتی: تاماڵ پێی بوێت، مزگەوت بەتاڵە کوڕم.
هەموو شتێک لە پێناوی ماڵ و منداڵ و پێداویستیەکانی خۆتە و ئینجا دەتوانی لەسەر ئەوانەوە خێرو دەستی باشە و چاکە بۆ شوێنەکان و کەسەکانیتر ببەیت، مزگەوت کە ماڵی خودایە پێش ماڵی خۆت نییە بۆ ئاوەدانکردنەوە و خزمەتکردنی بۆیە کورد لە دێرزەمانەوە بە ڕاستی و دروستی فەرمویەتی: تا ماڵ پێی بوێت، مزگەوت بەتاڵە.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,370 car hatiye dîtin
Raya xwe li ser vî babetî binivîsin!