دەقی ڕونکردنەوەکەی گوتەبێژی حکومەتی هەرێمی کوردستان:
بەم دواییانە چەند ڕاپۆرتێکی ڕۆژنامەوانی باسیان لە پێشنیازێک دەکرد، کە بەرپرسێکی پلە باڵای حکومەتی فیدراڵی عێراق لەبارەی ئیدارەدانی داهاتووی بواری نەوت و غاز لە هەرێمی کوردستان خستووەتەڕوو.
ئێمە لەکاتێکدا جەخت دەکەینەوە، کە ئه و ڕاپۆرتانە هیچ لە گرنگیدانی حکومەتی هەرێمی کوردستان لە کارە لەپێشینەکانی لە دانوستانە بەردەوامەکان و بونیادنەرانەی لەگەڵ حکومەتی فیدراڵی ناگۆڕێت، هەوڵەکانمان بەچڕی دەمێننەوە بۆ دۆزینەوەی چارەسەرێکی پراکتیکی و یاسایی لەبارەی نەوت و غاز و ئەوەی مافەکانی گەلی کوردستان و عێراق لەخۆ دەگرێت.
دووبارە دووپاتی دەکەینەوە، چارەسەری له و شێوەیە پێویستە لە چوارچێوەی دەستووردا بێت لە پێناو دابەشکردنێکی دادپەروەرانەی داهاتی نەوت و غاز لە عێراق، کە دەبێتە هۆی دانانی بەردی بناغەیەکی بەهێز بۆ شەراکەتی ڕاستەقینە لە نێوان هەرێمی کوردستان و حکومەتی فیدراڵ و لە بەرژەوەندی گشتیی هاووڵاتیانی کوردستان و سەرانسەری عێراقدا دەبێت.
د. جوتیار عادل
گوتەبێژی حکومەتی هەرێمی کوردستان
14ی تشیرینی یەکەم (ئوکتۆبەر)ی 2020[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 667 car hatiye dîtin
Raya xwe li ser vî babetî binivîsin!