عەدێ و مەدێ 81
مەدێ شێت بوو، هەتا مست گرتی لە چڕوچاوی عەدێی دا، عەدێ لە سەریەک سوڕا و خین لە کەپوو و دەوی فڕکەی کرد و کەتە ئەو گۆڕەی، مەدێ وەکی جەماعەتی موسارەعە حوڕەی خۆی برند کرد و گۆتی: یوو هوووو، خۆی بەسە عەدێی دادا، شرپەی لێوەهات و گۆتم: کورە فریای عەدێی کەون، وەڵلا مەدێ جیبلقاوی لە قوونی دەرهینا! بە من و بە ئەسکەندەری بە مەدێی وەبووین، لە عەدێی نەدەبۆوە، قادرە پووخە لەوسەری ڕاهات و هاواری کرد: لێیان گەڕێن، با داکی ئێکدی ب....ن ئەو سەگبابانە، هار بووینە هار! ئەمە لەو هەرایەی دابووین، پیکابەک گەیشتە پێش دەرکەی، سێ چار چەکداری لێ دابەزی و ڕوو بوونە مەدێی و دایانە بەر قۆنداغە کلاشینکۆفان و لوولیان داو فڕێیان دا پشتی پیکابی، پیکاب بە تەناش هەستا و دەرپەڕی!
ئەمەش عەدێمان قیت کردەوە و بردمانەوە ژۆرێ، لەبەر بەلوعەی دەموچاومان شووشت و بڕەک خاوینمان کردەوە، هاتەوە سەرە خۆ و گۆتی: کا ئەو سەگبابە چیلێهات؟ ئەسکەندەر گۆتی: وەڵلا مەفرەزەک هاتن و لوولیان دا، خوا بزانی کوو ماری بە قوڕێ دەگرن، عەدێ گۆتی: دەنگۆ قەرەم و قاقەزکم لۆبینن! گۆتم: لۆ چتە؟ گۆتی: با بەشی دووەمی ڕاپۆرتەکەی لەسە بنووسم و داکی خێوی مەدۆی ب...م، گۆتم: کورە دە وازی لێبینە ڕەحمەت لە بابت، کێ دەرێ لەبن ڕاپۆرتی یەکەم دەرباز دەبی، هەتا دووەمی لە سەر بنووسی! گۆتی: کاکە ئەو ماوەی گلەییم زۆر لەسەر بوو کەوا چالاکیم کەمە و ڕاپۆرتی بەرز ناکەمەوە، دونێ لە مەجلیسەکیش هجوم کرا سەر عیزبمان و مەدێ چ قسەی نەکرد و دیفاعی نەکرد، ئەمنیش گۆتم دەردت لە گیانم، لە عیزب دەخۆیی و دیفاعی لێناکەی، ئیدی یەک ڕاپۆرتم لەسەر نووسی! گۆتم: ئەوجە بە شەرەفت کەس لەسەر برای نووسیە؟ گۆتی: کێشەکە ئە لێرەیە: ئەتوو نە تێدەگەی، نە دەتەوێ تێبگەی، نە کەس هەیە تێتبگەینی!
مایتی.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 496 car hatiye dîtin