پرسەنامەی بافڵ جەلال تاڵەبانی بۆ کۆچی دوایی حەمید ڕەشاش
بەداخ و دڵگرانییەکی زۆرەوە هەواڵی ژیانئاوایی دۆستی دێرین و هاوڕێی نزیک و خۆشەویستی سەرۆک مام جەلال (مام حەمید ڕەشاش)مان پێگەیشت.
بۆ لەدەستدانی ئەم کەڵە تێکۆشەرە پرسە و سەرەخۆشی و هاوخەمی قوڵ ئاراستەی خۆمان و کەسوکار و خانەوادەی سەربەرزی و هەڤاڵانی دەکەین، خۆمان بە بەشداری ئەم کۆستە دەزانین.
مام حەمید ڕەشاش پێشمەرگەی دێرین و کەسایەتی دیاری هەولێر و نیشتمانپەروەری گەلەکەمان، بەشێکی زۆری تەمەنی بەخشی بە خەباتی کوردایەتی و لە ڕێچکە پاکەکەی شۆڕش لاینەدا و بەردەوام بە بیری نیشتمانپەروەریی و کوردایەتی دەیڕوانییە ڕووداوەکان و لە خەمی ئازارەکانی میللەتەکەیدا دەژیا و تا دواساتی ماڵئاوایکردنیشی هەر ڕێنیشاندەر و هەڤاڵی دڵسۆز و پاک بوو بۆ یەکێتییەکەی مام.
بۆیە لەدەستدانی مام حەمید کە نموونەی پێشمەرگەی خۆڕاگر و بەویقار و کەسایەتی دڵسۆز و سەرڕاستی خەباتی کوردایەتی بوو، خەم و ناسۆرێکی زۆری لە دڵی هەموواندا بەجێهێشت و لەناخەوە نیگەرانیکردین.
لەخوای گەورە داواکارین بۆ هەمیشە ڕۆحی شادبێت و سەبووری و دڵئارامیش بەهەموولایەک ببەخشێت.[1]
بافڵ جەلال تاڵەبانی
#21-01-2022#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,705 car hatiye dîtin
Raya xwe li ser vî babetî binivîsin!