سکرتێرە 81
بەینەکی باش ڕاوەستاین و دوایێ ئەمنیان گاز کرد، لەگەر دوو زەلامەکەی لەگەرم بوون چووینە ژۆرێ ! دادوەرەکە سەری بەسەر فایلەکەی داگرتبوو، سەلامم کرد، نەسەری برند کردو نە وەرامی داوە، بەینەکی باش پەڕەکانی هەرگێڕو وەرگێڕ کرد، پاشان سەری برند کرد، بەینەکی تەماشای کردم، ناوی پرسیم و وەرامم داوە، گۆتی : پیشەت چیە؟ گۆتم وەزیر پێشووی کاروباری ژنان ! ناونیشانی مارێی وەرگرت، پاشان گۆتی : ئەتوو تاوانباری بەکۆمەرە شتەکی، کە سانایەکەی خیانەتی گەورەیە لە وڵات..! گۆتم : ئەمن ئینکاری ئەو هەموو تۆمەتانە دەکەم و هەمووی لۆم هەربەسترایە..! بەینەکی تەماشا من و فایلەکانی کرد، ئەوجە گۆتی : ئەتوو دان بەو شتانە دانانێی ؟ گۆتم : نەخێر..! گۆتی : ئەوها ! گۆتم : باشە جەنابی دادوەر شتی وا لەکێبووە، ئەمن پارێزەرم هەبی و بمهیننە دادگایی و خەبەری پارێزەری نەدەن، زیاتر لە چار مانگە گیرایمە، نە پارێزەرم دیتیە نەمارو مندار، نەمزانیە لە دەرێی ئەو جێیەی لێی گیرابووم چ ڕوویدایە ! نازانم مارو مندارو خزم و کەسم ماینە یان نا ! ئەتوو بینە بەرچاوت شەوو ڕۆژ مارو مندارم لەخەمی من دانەو نازانن ئەمن مایمە یان نا ؟ بەردەبم یان نا ؟ لەسێدارە دەدرێم یان نا ؟ شتی وا لەکێی دنیایێ بووە ! ئەتوو دادوەری ئەو وراتەی سووندت خواردیە بەو پەڕی هەق و عەدالەت حوکم بکەی، ئێستا بینە بەرچاوت چ وەزعەکم بەسەر هاتیەو چیان لێکردیمە..؟ ئێکەک لەو دوو زەلامەی لەگەرمبوون، دەستی بە قسان کردو گۆتی : جەنابی دادوەر گێمەدە ئەو قسانەو شتەکان ڕۆن و ئاشکرانە، وا فایلەکە لەپێش جەنابتە، لەبەر هەندێ بیدە دادگای تاوان و با زوو ئیشەکە لەکۆر بیتەوە..! حاکمەکە بەینەکی بێدەنگ بوو، گۆتی : مادام دان بەو تاوانانە نانێ، دەبی دووبارە لێکۆرینەوەی لەگەر بکرێ و بزانین لۆ ئینکاری دەکا..!
دادوەرەکە دەستی دا قەرەمی هەتا بنووسی بینێرنەوە لێکۆرینەوەی، تەلەفۆنەکی لۆهات، هەیگرت و وەرامی داوە، وەختەکی هەر دەیگۆ بەرێ بەسەرچاو، باشە بەسەرچاو، کووتان پێباشە ئەوها دەکەم، سەرچاو سەرچاو، ئەمر دەکەی، حسابکە جێبەجێکرا، خوات لەگەر، خوات لەگەر..!
ئیدی مۆبایلەکەی قەپات کردو گۆتی : وا ڕەوانەی دادگای تاوانەکانت دەکەم، پێویست بەوەی ناکا دووبارە لێکۆرینەوەت لەگەر بکرێ، تاوانەکان ڕۆن و ئاشکرانەو تەواو، شتەکی لەسەر فایلەکەی نووسی و ئیمزای کردو گۆتی : بیبەنە دەرێ..!
دوو زەلامەکە فایلەکەیان دەست دایێ و قۆریان گرتم و ئەمنیان بردە دەرێ و چووینە لای دادگای تاوانەکان، پۆلیسەکەی بەر دەرکەی گۆتی : فایلەکەی تەسلیم کەن و ئەو زەلامەی ببەنەوە کنەخۆتان، دوایێ خەبەرتان دەدەینێ لۆ ڕۆژی دادگایی کردنی..!
سەرم سوڕما لەو ئیجرائاتە عەنتیکەو پەنتیکانە، کە نە دادگاکردن ئەوهایە، نە ڕێنماییەکانی یاسای دادگایی کردن ئەوهایە، بەران چونکە هیچ دەسەراتم نیەو ئەمن گیرایمە، دەبی بەو وەزعەی ڕازی بم و بێدەنگ بم، دوو زەلامەکە قۆریان گرتم و ئەمنیان هینا دەرێ و سواری تڕومبێلەکەیان کردمەوە، دیسان چاویان بەستامەوەو تڕومبێل پێی لێنا لۆ جێی جاران، گەیشتینەوە وێندەرێ و دەرکە کراوەو چووینە ژۆرێ، تڕومبێلەکە ڕاوەستاو ئەمنیان هینا خوارێ، قۆریان گرتم و بەڕێکەتین لۆ ژۆرێ، ئەمنیان بردەوە ژۆرەکەی لێی بەڕێکرام، ڕایان گرتم و چاویان کردمەوە، دیتم ئەو کابرایەی لەسەر فایلەکەی ئیمزا کردم و بەڕێی کردم، مۆبایلەکی بەدەستەو قسان دەکا، وەکی چاوی بەمن کەت بەینەکی بێدەنگ بوو، پاشان مۆبایلەکەی قەپات کردو لەسەر مێزەکەی بە شەحنی وەکردو بەینەکی تەماشای کردم، گۆتیە دوو زەلامەکەی لۆ هیناتانەوە ؟ ئێکیان گۆتی : وەڵلا گەورەم گۆتیان بڕۆن بیبنەوە هەتا خەبەرتان دەدەینێ، ئیدی ئەمەش هینامانەوە..! ئەویش سەرەکی باداو دەستی لۆ تەلەفۆنەکی نۆڕمال برد کەلە پێشی بوو، ژمارەکی داگرت و چاوەڕێی وەرامی بوو، لەهیکڕا گۆتی : باشی گەورەم، مەمنونم دەستت ماچ دەکەم، گەورەم، ئەوە تاوانبارەکەیان هینایتەوە، ئەرێوەڵلا، لەدادگای گۆتیتیان بیبەنەوە هەتا بەخۆمان خەبەرتان دەدەینێ..! بەرێ بەرێ، بەسەرچاو، سەرچاو گەورەم !
تەلەفۆنەکەی قەپات کرد، تەماشا منی کرد، گۆتیە دوو زەلامەکەی : چاوەڕێ کەن بزانین جەنابی بەڕێوەبەر چدەرێ، وا قسەم لەگەر کردو گۆتی : هەونکە خەبەرت دەدەمەوە، ئەوانیش گۆتیان : بەسەرچاو گەورەم..! ئەوجە کابرا هەستاوە سەلاجەی کردەوەو بتڵەکی تایگەری دەریناو شکاندی و بەسەر دەوی وەکرد، پاشان چووە لای پەنجەرەی ڕاوەستاو پشتی لەمە کردو ڕووی لە باخچەی ناو دائیرەکەی کردو تەماشا گور و گورزارەکانی دەکرد، لەهیکڕا ئاوڕی داوە لای ئێک لە زەلامەکان و گۆتی : بڕۆ بەو هەدیقەچیەی برێ، با ئەو فریزەی ئاودا، هیشک دیارەو خوا قبور ناکا..! کابراش گۆتی : بەسەرچاو گەورەم، پێی لەعاردی داو چووە دەرێ..! ئەمن فکرم لە زەوقی ئەو پیاوەی دەکردەوە کە سووی لەوەیە فریزی باخچەکەی هیشک بی و ئاو نەدرێ، بەران سووی لەوەی نیە، کابرایەکی وەکی من بەبێ تاوان بگیرێ و بدرێتە دادگای..! ژیان چەند قورسە لۆ ئەوانەی لەمانای ژیان دەگەن و دەزانن کوو لەگەری بڕۆن..!
وەختەکی زەنگی نۆڕمالەکەی لێیدا، کابرا هەریگرت و گۆتی : بەرێ گەورەم، بەرێ، سەرچاو، ئەمر دەکەی، تەواو، گەیشت، گەیشت.. سەرچاوم، خوات لەگەر، خوات لەگەر..! پاشان تەلەفۆنەکەی قەپات کردو گۆتیە ئەو زەلامەی لەگەرمان ڕاوەستابوو : چاوی ببەستەو بیبەوەو ژۆرەکەی خۆی، با لەوێبی، سبەینێ زوو بیبەنەوە دادگای و حوکمی خۆی وەردەگری و چیدی نایێتەوە ئێرە..!
کابراش گۆتی : بەسەرچاو گەورەم.. ئیدی چاوی بەستام و قۆری ڕاکێشام و گۆتی : یاڵلا لێخوڕە لۆ ژۆری خۆت..!
ئەمنی گەیاندەوە ژۆری خۆم، چاوی کردمەوە و چووە دەرێ، دەرکەکەی پێوەداو گۆتی : دەوجە لێرە سەگتۆپ بە هەتا سبەینێ، یەک خرتەخرتی بکەی وەکی مشکی دەتتۆپێنم..!
چوومە ژۆرێ و بڕەکی دانیشتم، دوایێ هەستام دەستنوێژم شووشت و نوێژی نیوڕانێم کردو داوام لەخوای گەورەکرد بەهانای من و هەموو ئەو گیرایانە بێ کە بەغەدر گیراینە، پارم دا دیواری و فکرم لە سبەینێ دەکردەوە چم بەسەردێ، وەختەکی لە دەرکەیان داو گۆتیان هەستە نانی سندان کە، هەستامەوەو دەرکەیان کردەوە، سنیەکیان دامە دەستی، دیتم سەموونەکی ڕەق و تەق و قاپەک ترش و کودی بوو، دانیشتم و سەموونەکەم لە ترشەکەی هەردەهینا هەتا نەرم بیتەوە، هەرکووی هەبوو نانەکەم خوارد و سنیەکەم لای دەرکەی دانا، وەبی ئەگەر هاتنەوە بیبەنەوە..
وەختەکی لەدەرکەی درا، کردیانەوە، پەرداغەکی نایلۆنیان دامێ و گۆتی : ها چایەکی سندان کە، هەی بەسندانت بی ! وەرمگرت و سنیەکەیان بردە دەرێ، دانیشتمەوەو چایەکەم هوردە هوردە خواردەوەو فکرم لە وەزعی خۆم و مارو مندارم دەکردەوە، ئیدی فرمێسک بەهەردوو چاوانم داهاتە خوارێ و خۆم تەسلیمی خوای گەورەو میهرەبان کرد..
هەرکووی هەبوو ئەو ڕۆژو شەوەشم بەڕێکرد، تازە نانی سبەینێم خواردبوو، لەدەرکەی درا، ئێکەک گۆتی : بەخۆکەوە دەڕۆین لۆ دادگای..! هەستامەوەو خۆم خڕکردەوە لۆ ڕۆیشتنێ، وەختەکی دەرکەیان کردەوە، کەلەپچەیان لەدەستی کردم و چاویان بەستام و گۆتیان یاڵلا بابڕۆین، ئیدی ئەمنیان بردە دەرێ و بەینەکی ڕۆیشتین، دوایێ گێم لەدەنگی تڕومبێلی بوو، زانیم تڕومبێلیان هینا، سواریان کردم و بەڕێکەتین، هەرکە نێزیکی دادگای بووینەوە، زنجیریان لە لاقیش هێخست..!
گەیشتینە گەراجی دادگای، تڕومبێل ڕاوەستاو ئەمنیان هینا خوارێ، پەڕۆکەکەی سەرچاویان لابردم و ڕایانکێشام لۆ ژۆرێ، یەکسەر ئەمنیان بردە ناو هۆری دادگای و ڕایان گرتم، دیتم سێ دادوەر دانیشتینە، دادگایەکی زۆر خێراو پەلەپەل بوو، ئەسلەن مەجالی قسەکردنی منیان نەدا، وەختەک گۆتیان با پارێزەرەکەی بێ، پارێزەرەکەم هاتە ژۆرێ، تەواو ڕەنگی تێکچووبوو، هاتە پێش و دانیشت، ئەمنیان لەناو قەفەزی دانابوو، کەلەپچە لەدەستم و زنجیر لەلاقم..! پارێزەرەکەم بەینەکی تەماشای کردم و فرمێسک لەسەر ڕوومەتی ڕاوەستابوون، زانیم هیچی پێناکرێ و ناشهێلن هیچ بکاو هەموو چشتەک بڕایتەوە، سەری لەبەرەخۆی نابوو، جارجار سەری برند دەکردو تەماشا منی دەکرد..
داواکاری گشتی قسەی کردو گۆتی : دادوەرانی بەڕێز پێویست بەوەی ناکا زۆر لەسەر بڕۆین، تاوانەکان دیارن و چاوەڕێی ئەوەینە جەنابت تووند ترین سزای بدەی ! دادوەر گۆتی : با شایەدەکانیش بێن قسەی خۆیان بکەن، یەکەم جار گازی ڤارینی کردو گۆتی : ڤارین عەبدولمەجید مستەفا بابێتە ژۆرێ ! وەختەکی هاتە ژۆرێ، دوو ژن قۆریان گرتبوو، چەفیەکی بەسەر نیوەی پرچی دادابوو، هەرچاوی بەمن کەت لەهۆڕژنی گریانێیداو خۆی بەرداوە ئەو گۆڕەی..!
قیتیان کردەوەو هینایانە پێش، دادوەرەکەی ناوەندێ ناوی پرسی و پاشان گۆتی : سوندی بە قورئانی بخۆ کە ڕاستی دەرێی..! زاڵم بابەی دەستی بە قورئانێ داداو گۆتی : ڕاستی دەرێم..! ئیدی دادوەر پرسیاری لێکرد : ئەو پیاوەی دەناسی ؟ گۆتی : بەرێ گەورەم ! گۆتی : کێیە ؟ گۆتی : وەزیری کاروباری ژنان بوو، دادوەر گۆتی : چ پەیوەندیەکت لەگەر ئەو پیاوەی هەیە ؟ گۆتی : گەورەم سکرتێرەی بووم، گۆتی : چت لەو پیاوەی دیت لۆمان باس بکە..! ڤارین گۆتی : گەورەم، یەکەمجار هاتە وەزارەتی خۆی زۆر باش و فەقیر پیشان دەدا، دوایێ هوردە هوردە گۆڕا، بەڕۆمانسی قسەی لەگەر دەکردم و زوو زوو گازی دەکردمە ژۆری خۆی، سوحبەتی لەگەر دەکردم و نوکتەی قۆڕی لۆ دەگێڕامەوە، دەیگۆ بەمنبی شەوو ڕۆژ لەگەرەمن بی و نەچیە هیچ لایەکی، دەعوەتی دەکردم و جلک و بەرگ مکیاج و شتی وای لۆ دەکڕیم، موکافەئەی لۆ سەرف دەکردم و گرنگی پێدەدام، جارەکی گازی کردمە ژۆرێ و دەستی لۆ درێژ کردم، گۆتم : جەنابی وەزیر عەیبە ئەو شتانە مەکە، ئەتوو لەتەمەنی بابمی ! دەیگۆ کچێ فشەیە فشە، بابی چ و حاری چ، عەشق ئەو چشتانە نازانی و تەمەن تەنها ژمارەیەو تەواو، ئیدی نەڕۆژەک نەدوو نەسێ، وازی لێنەدەهینام و دەیگۆ بڕۆ کیژی دیم لۆبینە لەناو وەزارەتی با لەگەریان ڕابوێرم..! دادوەر دەوی بەش کردبۆوە لەخۆشی ئەو قسانەو لیکاوی لەدەوی دەهاتە خوارێ ! گۆتی : یەعنی دەیویست گەوادیت پێبکا ؟ ڤارین دەستی بەگریانێ کردو گۆتی : ئەرێوەڵلا گەورەم، ئەمن چونکە بەگێم نەکرد، ئەوجارە داوای لە دایە جووجەو زولەیخای دەکرد، کە لەوەزارەت دەوام دەکەن کەوا گەوادی لۆ بکەن، گەفی لێدەکردن و دەیگۆ ئەگەر ئەو ئیشەم لۆ نەکەن هەمووتان نەقردەکەم و فڕێتان دەدەمە دوور ترین جێی..!
دادوەر بەینەکی باش گێی دا ڤارینی و پاشان گۆتی : چیدی کیژم ؟ گۆتی : گەورەم زۆر گەندەڵ بوو، تەزویراتی زۆر دەکردو بە ملیۆنەها دیناری حکومەتی بەهەدەر دایە، دەکرێ لە مدیر حساباتی وەزارەتی بپرسی ! دادوەر گۆتی : باشە کیژم ئەتوو هیچ بەڵگەت هەیە لەسەر ئەو قسانە، ڕەسم و ڤیدۆت هەیە کە تاوانبار دەستی لۆ درێژ دەکردی، یان قسەی لەگەر دەکردی ؟ ڤارین گۆتی : بەرێ گەورەم ئەو میمۆریەی ناو فایلی لەگەر ڕەسمەکان هەموو چشتی تێدایە، گەورەم داوا دەکەم هەقم بکەن، چونکە ئەو پیاوە حەیاو ناموسی منی بردیەو لەپەنا پۆستەکی گەورەی حکومی ئەو ئیشانەی کردیە..! دادوەر گۆتی : خەمت نەبی کیژم ئەمە بە یاسا لەگەری دەجولێینەوە و یاساش سەروەرە..! ئەتوو دەتانی بڕۆی کیژم..! ڤارین بەبێ ئەوەی ڕوو لەمن بکا لێیدا چووە دەرێ..!
دادوەر گۆتی : با شایەدی دووەم زولەیخا کانبی نوری بێتە ژۆرێ ! ئەمن لەناو قەفەزی داندرابووم، گۆتم : جەنابی دادوەر پێویستم بە ئاودەستیە، گۆتیە پۆلیسەکان بیبەنە ئاودەستی و بیهیننەوە، ئەمنیان لەقەفەزی هینا دەرێ و زێخە هاتە ژۆرێ، هوردە هوردە هاتە پێش، سەری نوی کردبوو، وەکی گەیشتە کەرخی من و چاوی بەمن کەت، ڕەنگی شین و مۆر بوو، بووە گای ئیسپانی دوکەری لە کونە کەپووی هاتە دەرێ، لۆ من هات و بەهەموو قووەتی پڕی دا سینگم و ڕایکێشام و هاواریکرد : ئۆخەی ئەوە کەتیە بەردەستم..!
مایتی [1]