خواستەکانم
زۆرحەزدەکەم منی مناڵ
لە قوتابخانە و لە ناوماڵ
هاوکارم بن گەورەکانم
بۆ هاتنەدی خواستەکانم
با لەسەرخۆ بمدوێنن
بوارم بۆ بڕەخسێنن
تا دەرکەوێ توانا و بەهرەم
پێتان بڵێم کە منیش هەم
بەرەو لووتکە وابەڕێوەم
چاوەڕوانی هەوڵی ئێوەم
دەئەی بابە و دایەی بەسۆز
هەوڵبدەن ئێوەی دڵسۆز
تاپێبگەم بەهرەمەندبم
دواڕۆژ بۆ گەل زۆر سودمەندبم
وەک کەسێکی وریا و چالاک
خزمەت بکەم بە گەل و خاک
28 –09–2002 شەممە
پەرتووکی #خەیاڵی کۆترەکان#
#فەرهاد ئەحمەد بەرزنجی#[1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 630 car hatiye dîtin