شێخ بە گوێز و هەنگوینی شوکرە
لە پەنای ئایینەکاندا بەناوی پەرستش و خوداناسیەوە خەڵکانێکی زۆر، بەرماڵ دەکەنە کۆڵیان و بەگوێرەی ڕێوڕەسمەکان خۆنواندنی جۆراوجۆر و سەیر و سەمەرە دەکەن، لەوڵاتی کوردەواری خۆشمان پیر و سەید و شێخ و مەلا نازونوزییان لەسەر خەڵکی ڕەمەکی و ڕەشۆکی هەبووە و هەیە، دەگێڕنەوە: دەڵێن شێخێک لە شەوانی درەنگ دەبێتە مێوانی ماڵە جوتیارێک، بە خاوەن ماڵ دەڵێت: خۆتان سەغڵەت مەکەن بۆ شێخ به و درەنگانی شەوە، گوێز و هەنگوین بەسە و پێی شوکرم، هەڵبەت بەدرەنگانی شەو، مریشک و ئاژەڵ سەربڕین پێ ڕاناگات، بەڵام ئامادەکردنی گوێز و هەنگوین ئەگەر هەبێت بۆ کەیبانوو زۆر ئاسانە، بەڵام هەردوو خواردنەکە گران بەها و دەگمەنن و لە هەموو ماڵێکدا دەست ناکەون، ئەوە بووە بە ئیدیۆم و بە گاڵتە و تەوسەوە بە کەسێکی زۆرزان و خوازۆک و نازینۆک و نەوسن دەوترێت: کە داوایەکی گەورە بکات و بە بێ بایەخیشەوە سەیری بکات.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,094 car hatiye dîtin
Raya xwe li ser vî babetî binivîsin!