بە قنگ دامەوە
کوێخا حەوێز، گێڕایەوە ڕۆژێک(حەمە ئاغای غەفوری-حەمەئاغای گەورە) لە کۆیە سوارێک ئەنێرێ بۆ لای کوێخا حەوێز کە چەند سواری پێ پەیا ئەبێ لەگەڵ خۆی بیان هێنێتە کۆیە، کوێخا حەوێزیش چەند سوارێک لەگەڵ خۆی دەبا ئەچێتە کۆیە، حەمە ئاغاش بەخێرهاتنی ئەکاو ئەڵێ: حەوێز نازانی بۆچی ناردمە لە دوات؟ کوێخا حەوێزیش ئەڵێ: نەخێر ئاغا نازانم، حەمە ئاغا ئەڵێ: ئەچم بۆ لای شێخی(سندۆڵان) کەسی وەها نەبوو لەگەڵ خۆم بیبەم، خۆت دروست بکە پاش نانخواردنی نیوەڕۆ سوار ئەبین پەنا بەخوا ئەڕۆین ئیتر لە پاش نیوەڕۆ سوار ئەبن بە دەشتی(بیتوێن) دا ئەڕۆن، کاتیش کاتی پایزە و مانگەشەوە، کوێخا حەوێز گوێ ڕائەگرێ، ئەوا حەمە ئاغا مقامی(ئای ئای) ئەڵێ: هەی داد هەی بێداد لەگەڵ مامەوە، خۆشی و ترشی بە تاڵی دامەوە.
کوێخا حەوێز ئەوە بە هەل ئەزانێ ووڵاخەکەی تەنگاو ئەکا ئەگاتە هاوشانی حەمە ئاغا و نە بەخوا ئاغا لە لای ئێمە(ئای ئای) وەکوو جەنابت ناڵێن، حەمە ئاغاش ئەڵێ: حەوێز لەلای ئێوە چۆنی ئەڵێن؟ کوێخا ئەڵێ ئێمە ئەڵێین: (هەی داد هەی بێداد لەگەڵ مامەوە، هەرچی بەکیر کردم بە قنگ دامەوە)، حەمە ئاغا ئەڵێ: ها ها حەوێز یەکجار واشنا بە خوا ئیشی ئەم زەمانە هەمووی وەکوو ئەڵێی وایە.
سەرچاوە: #خەم ڕەوێن، بە سەرهات و قسە خۆشەکانی کوێخا حەوێز شاخەپیسکەیی#، نوسینی: مراد شاخە پیسکەیی، هەواێر، چاپخانەی شارەوانی هەولێر، ساڵی 1976ز، لاپەڕە(14)[1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 317 car hatiye dîtin
Raya xwe li ser vî babetî binivîsin!