نووسین: سەلام عەبدوڵڵا
بابەت: وتار
ئەمڕۆ(63)ساڵ بەسەر یەکەمین ژمارەی “#خەبات#” زمانحاڵی #پارتی دیموکراتی کوردستان# تێپەڕ دەبێت و دەبێتە دێرینترین ڕۆژنامەی سیاسیی کوردی لەمێژووی ڕۆژنامەگەریی کوردیدا و دەبێتە تۆمارگەی مێژووی خەبات و تێکۆشانی گەلەکەمان کە ئەمڕۆ دەتوانرێت بۆ نووسینەوە و لێکۆڵینەوە لە مێژووی خەباتی بەردەوامی گەلەکەماندا سەرچاوەیەکی زۆر بەبایەخ و گرنگ و بێ وێنە بێت.
خەبات لەو ماوە دوورودرێژەی خەباتیدا هەڵگری ناسنامەی گەلەکەمان و خەبات و تێکۆشانی بووە و بووەتە قوتابخانەیەکی مەزن بۆ پێگەیاندنی هەزاران تێکۆشەر و قوربانیدەری گەلەکەمان و هەڵگری بیری نەتەوایەتی و دیموکراسی و یەکسانی و داکۆکیکەرێکی بەردەوامی داخوازیی ڕەوای گەلەکەمان و شۆڕشەکانی بووە.
خەبات، لەم خەباتە دوورودرێژەیدا، هەمیشە سەنگ و بەهای بیری نەتەوایەتی و زمانی پاراوی وەک دروشمی سەرەکی خۆی هەڵگرتووە و بە زمانێکی سەردەمیانەی دوور لە توندوتیژی هاتووەتە مەیدانەوە و داکۆکی لە گەل و خاک و نیشتمانی پیرۆزمان کردووە.
خەبات وەک تۆمارگەی مێژووی خەبات و تێکۆشانی گەلێک، ئەمڕۆ لە هەموو کاتێک زیاتر پێویستی بەوەیە کە هەموو ژمارەکانی بە ئەلەکترۆنی بکرێ و ئەرشیفێکی سەردەمیانەی بۆ بکرێ کە لە دەستڕەسی هەمواندا بێت، چونکە لەراستیدا ئەم ئەرشیفە مەزنە بەتەنیا ئەرشیفی پارتی دیموکراتی کوردستان نییە، بەڵکو ئەرشیفێکی پڕبەها و بەنرخی گەلەکەمانە کە دەبێ جێی شانازی نەوە لەدوای نەوەی گەلەکەمان بێت.
لێرەدا سپاسێکی گەرم بۆ هەموو ئەو کادر و ڕۆژنامەنووس و تەکنیککار و ئیدارەی ڕۆژنامەی خەبات چ ئەوانەی تا ئەمڕۆ لە کاردا چالاک و چ ئەوانەی ڕۆژانێک خاوەنی ئەو مەشخەڵە ڕووناک و ڕۆشنە بوون دەنێرین و دەستخۆشییان لێدەکەین.
خەبات لە خەباتیدا هەر بەردەوام دەبێت.
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,282 car hatiye dîtin
Raya xwe li ser vî babetî binivîsin!