قوماش 131
نووسینی: #ئوسامە جەمیل#

نوێژی عیشایێمان کرد و سەفین گۆتی: بڕەکی بنووین باشە، پیاو ئەگەر مردیش بەچاوی بە خەوەوە نەمری باشە! گۆتم: دەرێی بەتەمانی لەو ئیشەی دەربازمان ببی؟ گۆتی: مردن و ژین بە دەست خودایە، گۆتم: دەلۆم باسبکە، کوو لێی دەدەین؟ گۆتی: دەچینە پێش دەرکەیی و دەیدەینە بەر ئارپێچیان، لەدووویش دوو کەسی دی بە کلاشینکۆفان ماری دەکەنە بێژینگ، ئیدی دەبتە هەڵلاو دەربازبوونی زۆر زەحمەتە! گۆتم: ئەتوو برێی بەبەربکەوی؟ گۆتی: لە دونێیوە پێنج شەش جار بە پێش ماریان داچوویمە، خانییەکەی وا هەرکەتیە، هەر ئارپێچی باوێیە مارێی، ئێکەکی دەرباز نابی، گۆتم: دەی بەتەمای خوای، ئیشاڵلا ئەوشۆ ئاخیر شەویتی!
وەختەکی سەفین لە خەوێی قیت کردمەوەو گۆتی: هەستە بابڕۆین، قیتبوومەوەو خۆم تووندکرد، کلاشینکۆفەکی مزەلی(بێ قۆنداغ)دامێ، مەخزەنی حەفتاو پێنجی تێدابوو، گۆتی: هەر لەدوو ئارپێچی تەقاندنەکەی هەر کەس هاتە دەرێ بیدە بەر گووللان و نێلی دەست بکاتەوە، گۆتم: زۆر باشە! ناوی خوامان لێهیناو چووینە پێش دەرکەی، دیتم پیکابەک ڕاوەستایەو چار پێنج زەلامی تێدا، دوویان ئارپێچیان پێبوو، ئەوانیدیش کلاشینکۆف و هەموو خۆیان تووند بەستبوو، سەلاممان لێکردن و چووینە پشتی پیکابی، سەفین ئارپێچییەکی وەرگرت و گۆتی: ئەوەی بدەنە من، با ئەمن بەخۆم تەفروتوونای بکەم! پیکاب بەڕێکەت و ئێکەک جەمەدانییەکی دامێ و گۆتی: ئەوەی دەمامک دە، جادە چۆلبوو، دنیا تاریکبوو، چونکە کارەبا نەبوو، بە ئاسانی پێشەخۆمان نەدەبینی، لایتی پیکابی دەتگۆ چەقووە و جادەی دەبڕی، گەیشتینە فلکەی سێتاقان دیتمان مەفرەزەک لەسەر جادەی بوو، دیاربوو سەیتەرەیان دانابوو، ئیشارەتیان داینێ ڕابگرین، شوفێرەکەمان پیکابی ڕاگرت، یەکسەر سەفین خۆی لە پشتی پیکابی فڕێداو چووە کن مەفرەزەکەی، سەلامێ لێکردن و چاک و چۆنی لەگەر کردن، گۆتیانە سەفینی: ئەنگۆ کێنەو کێوە دەچن؟ سەفین گۆتی: پێشمەرگەینەو دەچینە واجب، ئەوەش هەویەی من، ئەمن مەسوولی ئەو هێزەیمە! کابرا هەویەکەی وەرگرت و لایتەکی لەدەستبوو، پێیکردو لە هەویەکەی دا، بەینەکی تەماشای کرد و گۆتی: زۆر باشە، هیچتان پێویست نیە؟ سەفین گۆتی: زۆر سوپاس خۆشینگۆمان دەوێ! کابرا گۆتی: فەرموون تێپەڕن، سەفین هاتەوە سواری پیکابی بۆوەو ویستمان بڕۆین، کابرا گۆتی: یەک دەقە مەڕۆن! هاتە کنەمەو گۆتیە سەفینی: مادام مەسوولی ئەو مەفرەزەی لۆ لەپشتی پیکابی دانیشتی و لۆ نەچوویە پێشی پیکابی، سەفین گۆتی: وەڵلا خۆمان لۆ هەموو چشتەکی حازر کردیە، ئەوە ئێکەک تەقەی لێکردین، وەبی فەوری لێی بێینە دەست! کابرا بەینەکی تەماشای کردین، ئەوجە گۆتی: بڕۆن خواو لەگەربی!
باشبوو لە مەفرەزەکەی دەربازبووین و بەڕێکەتین لۆ ماری سەرۆک جاشەکەی، گۆتمە سەفینی دەبی لەمارێ بی؟ گۆتی: ئەدی قابیلە بەو شەوەی کێوەچووبی، هەر لەمارێیە، کێ دەرێ ئێستا ئارەقی ناخواتەوەو قوماری ناکا! گۆتم: هەموو شتەک دەبی، ئەوجە گۆتی: ئاگاداربن ئەگەر سە پێمان ڕەوی خۆ مشەوەش مەکەن، بەو شوفێرەم گۆتیە بڕە دوور هێورکاتەوە، وەبی ئارپچییەکان یەکسەر لۆ ناو پەنجەرەی بڕواو دار و بەردی بسووتێنی!
لەماریان نێزیک بووینەوەو سەفین لەناو پیکابی هەستاوەو ئارپێچی هاویشتە سەر شانی، گۆتیە عەدەد ئارپێچییەکەی دی: ئەتوو جارێ مەتەقێنە، وەکی ئەمن تەقاندم و تێپەڕین، لەسوڕانەوەو گەڕانەوەی ئەتوو بیتەقێنەو ئەنگۆش مارەکەی بدەنە بەر گووللە کلاشینکۆفان، گۆتمان زۆر باشە!
گەیشتینە پێش دەرکەیی و سەفین پەنجەی پێوەناو ڕمبەی هات، گووللەی ئارپێچی ڕێک لەپەنجەرەی چووە ژۆرێ و ئەو مارە یەکپارچە بووە ئاگر و دووکەر(دووکەڵ)!

پیکەب پێی لێناو چووە ئەوسەری کۆرانێ و بە تووندی سوڕاوە، دیسان گەیشتەوە پێش دەرکەی ماری سەرۆک جاشەکەی، ئەوجارە نەفەرەکەیدی ئەوی ئارپێچی پێبوو، ئەویش تەقاندی و نیوەی قاتی سەرێی خانییەکەی هینا خوارێ، ئەمەش هەر کەسەو لەڕاستەخۆ دەستڕێژیمان کردو مەخزەنمان بەتارکرد، ئەوجە تڕومبێل پێی لێناو دەرپەڕی، لەسەری کۆرانێ ئاوابووین، دنیا تێکقژقژاو بووە هەرا، شوفێرەکەمان زۆر بەتووندی پێی لێناو ڕۆیی، دەوری پێنجسەت مەترەکی ڕۆیی و ڕایگرت، نەفەرەک خواحافیزی کردو دابەزی و ڕۆیی، دوو کیلۆمەترەک ڕۆیشت و ئێکیدی دابەزی، سەفین پلانەکەی زۆر بە باشی دانابوو، هوردە هوردە نەفەرەکان هەر ئێکەی لەگەڕەکی دابەزین و ڕۆیشتن، هەتا گەیشتینەوە ماری سەفینی، بەس ئەمن و ئەوو شوفێرەکە ماینەوە، ئەمن و سەفینیش دابەزین و شوفێرەکەش ڕۆیی!
چووینەوە ماری سەفینی و لە ژۆرەکەی وی دانیشتین، بڕەک هاتینەوە سەرەخۆ، سەفین گۆتی: دەبی بابت ئیشەکەی جێبەجێکردبی؟ گۆتم: ئەمن تەئکیدم، هەر دونێ پێمگۆ ئەتوو بەخۆت و داکم و مندارەکانی قادرەفەندی لە هەولێرێ مەمینێن و بڕۆنە ماری مام ڕەسوری لاسەی! سوڕ دەزانم بابم ئەو ئیشەی کردیە، چونکە هەر پاشی هەنگی بە دختۆر شێرۆ و مامم خەلیلی گۆت: هەردووکتان سبەینێ عەسرێ بە تڕومبێلەوە لەماریمە حازربن، گۆتی: هەورینیش لەگەریان چووە؟ گۆتم: نا، هەورین لەماری بابیڕا چوویتە ماری دەستەخوشکەکی و وای پیشاندایە کە ئاگای لە هیچ نییە، بەس ئەتوو برێی ئەو سەرۆک جاشە ئەوجارە تۆپیبی؟ گۆتی: ئەمن تەئکیدم ئەوەی لەناو ئەو خانییەی بووبی پارچە پارچە بووە، دەوجە دوعای بکە، ئەو کابرایە لەوێبووبی، گۆتم: باشە لۆ کەس تەقەکی نەکرد، گووللەکییان بەمە وەنەنا؟ گۆتی: وەڵلاهی برێم چ، ئەمنیش خەریکە دەکەومە شکو گومان!
نوێژی بەیانیمان کردو لێمان پارداوە، سبەینێ دەوری سعات دەی لە خەوێ هەستاین، نانی بەیانیمان خوارد و سەفین گۆتی: ئەتوو لێرەبە، ئەمن دەچم سەرەکی لەلای ماری ئەو سەرۆک جاشەی دەدەم بزانم مایە یان نا، گۆتم: چاوەکەم بەس ئاگات لەخۆبی، وریابە شکت لێنەکەن! سەفین دوو نارنجۆکی هاویشتە گیرفانی و دەبانچەکیشی لەبەر پشتینا، گۆتیە من: هەتا دێمەوە، لێرە نەجوولێی، گۆتم: زۆر باشە، ڕوخسەتی وەرگرت و ڕۆیی!
ئەمن لە ژۆرەکەی سەفینی دانیشتبووم و خۆم بە کتێب خیندنەوەی مەشغولکرد، وەختەکی داکی چایەکی تازەی لۆ هینام و لەکنم دانیشت، گۆتی: ڕۆرە لۆ نسحەتەکی سەفینی ناکەی، گۆتم: نسحەتی کوو؟ گۆتی: بزانە قەت پێی نارێی ژنەکی بینی! گۆتم: ئەدی کێ بەمن برێ، گۆتی: وەڵلا کوڕم ئەمن هەر لەگەری هەولدەدەم بێ فایدەیە، دەرێ جارێ ژنێ ناینم، هەندە جار دەرێ دەچمە خاریج، بەس ئەتوو کووە نەتهینایە؟ گۆتم: ژنهینانی من زۆر دوور و قورە، ئەگەر لۆت بگێڕمەوە، هەندم لۆ دەگریێی هەر چاوەکت ئەوەندە لێدێ! گۆتی: خوا لۆت ئاسان بکا کوڕم، نیوڕانێش لێرەبە تووشمەکی خۆشتان لۆ لێدەنێم! گۆتم: دەستەکانت خۆشبی و زۆر زۆر مەمنون، با سەفین بێتەوە قسەکی لێدەکەین، گۆتی: خوا بتانپارێزی کوڕم، هەونکە دێتەوە ئیشاڵلا، گۆتی: دەچم سەرەکی لە مەعمەلی دەدەم و دێمەوە!

دەوری سعاتەکی پێچوو سەفین هاتەوە، دەرکەی ژۆرەکەی پێوەداو گۆتم: زوو پێمبرێ چبووە؟ ئەو سەگبابە مایە یان سەگتۆپ بووە؟ گۆتی: وەڵلا مایەو بەبەر نەکەتیە! ئەعسابم نەما، هەر وەختبوو شێت و هاربم، گۆتم: ئەتوو بەڕاستیتە یان بەمن ڕادەبوێری؟ گۆتی: وەڵلا مایە و شەوێ لەوێنەبووە، لەگەر کۆمەرە مەسوولەکی چوویتە مەزرعەکەیی و هەتا سبەینێ ئارەقیان خواردتەوەو سێ چار چاوەشیش گۆرانییان لۆ گۆتینە، بەران خەبەرەکی خۆشتر هەیە، با بتدەمێ، گۆتم: هەر وسبەوس، هیچ خەبەرم ناوێ، وا خەریکە مێشکم دەتەقی! گۆتی: دەتوو گێبدەمن با پێت برێم، کوڕەکی بەبەکەتیەو بوویتە چار پارچە، گۆتم: ئەتوو بەڕاستتە؟ گۆتی: ئەرێوەڵلا، ئەو لەمارێ بووە، وەکی بابی چوویتە دەرێ، ئەویش سێ چار ژنی بەرەڵلای هینایتە مارێ لۆ ڕابواردنێ، لەگەر ئەو ئارپێچی و تەق و تۆقەی ئێکیان دەرنەچووینە، وەکی چوومە پێش ماریان ممکینە دووسەت زەلامی لێبوو، لەبەر وەزعی ئەو ژنانەو کوژرانییان لەگەر کوڕی ئەو سەرۆک جاشەی بەریوەنگۆ نەمایەو ئەوەی شکی لێناکا مارینگۆو ماری قادرەفەندییە، ئەو وا تێدەگا جەماعەتەکیدی تەقەیان کردیە، ویستیتییان ئەو ژنانە ببەن، چونکە کە کوڕەکەی چووە ئەو ژنانە بینی، لێی بوویتە قڕەقڕ لەگەرچەند چەکدارەکیدی کە ویستیتیان ژنەکان ببەن و چەکیشیان لێکڕاکێشایە، گۆتم: ئەوجە فایدەی چیە وەکی ئەو جاشە بەخۆی بەبەر نەکەوی، گۆتی: نا، ئەوها باشترە مایە، هەم جەرگی سووتایە، هەم حەیاونامووسی چووە! گۆتم: ئەوجە کابرایەک سەرۆک جاشبی و خائینبی لەگەر میللەتی خۆی، حەیاو نامووسی هەیە! گۆتی: عەلاکووللین، بابزانین وەزعەکە چیلێدێ، هەنکی نەخشەکی دی دادەنێین!
نانی نیوڕانێم لەماری سەفینی خواردو گۆتم: وەچاکە بچمە شەقراوەیی و سەرەکی لەداکموان بدەم و پێیان برێم بێنەوە، مادام شتەکە لەسەرەمە لاکەتیە، بەس ئەتوو بەمن برێ، ئەو کوڕەی کوژرایە دەبی ئەوەبی کە داوای هەناری کردیە؟ سەفین گۆتی: نازانم، بەران ئەوان تازە تازیەیان هەیە، جارێ فکر لەوەی ناکەنەوە هەناری بینن، کێدەرێ تووشی دوژمنداریش نابن لەگەر ئەوانیدی، گۆتم: ئەوەش وەیە، دەبا ئەمن بچم بابموان بینمەوە، ئەوجە چاوەڕێی وەزعەکەی دەکەین، خواحافیزیم لە سەفینی کرد و شۆڕبوومەوە لۆلای نەقریاتی شیمالی، هەتا بچمە شەقراوەی!
مایتی.[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!