نان کەرت بوو، خۆی ناگرێتەوە
گێڕانەوەی کوردەواری زۆرە لە سەر نان کەرت بوون، دەگێڕنەوە هەیاس و سوڵتان بەیەکەوە بەلای کولانە سەگێکدا تێ دەپەڕن، چەند گوجیلەیەک سەریان بەشان و باڵ و سکی یەکترییەوە ناوە و زۆر جوان و کپ لێی خەوتوون، سوڵتان دەڵێت: خۆزگەم بە خۆیان و تەبایی و پێکەوەژیانیان سەیرکە هەیاس چەند جوان پێکەوە بەئارامی خەوتوون وەکوو برایان، هەیاسیش دەڵێت: قوربان ئەوانە بەرژەوەندی لە نێوانیاندا نییە، ئەگەرنا بە و شێوەیە نایانبینی، ئەگەر پارچە گۆشتێک یان نانێک بخەیتە بەردەمیان ئەوا لەسەری بە شەڕ دێن، لێرەش ئیدیۆمی (نان کەرت بوو، خۆی ناگرێتەوە) لەسەر هەمان شێوەی ئەو بێچووە سەگانەوە هاتووە، خێزان کە لە دایک و باوک و خوشک و برا پێکهاتوون، بەر لەوەی لە یەکتری جیا ببنەوە و ببنە خاوەنی ماڵ و منداڵی خۆیان ئەوا هەموویان بە خۆشی و بەختەوەری دەژین لە هەبوونی و نەبوونیدا، هەموو شتێک لە و ماڵەدا هی هەموویانە، داکۆک و تەبا و هەرەوەز و پێکەوەن لە هەموو بوار و لایەکەوە، بەڵام کاتێک کیژ یان کچێکیان لە ماڵ دەردەچێت و شوو دەکات یان کوڕێکیان ژن دەهێنێت و دەبێتە خاوەن ماڵی خۆی ئەوا ئەو تەبا و ڕەباییە و متمانەیە وردە وردە کەم دەبێتەوە وەکوو پێشتر نامێنێت لە هەموو ڕووەکانەوە، نانەکە کراوە بە نموونەیەکی جوان لە ڕووی بەرجەستەبوونەوەش نانێک ببێتە دوو پارچە، پارچەکان بە یەکترییەوە نانووسێنەوە و یەکتری ناگرنەوە وەکوو خۆی لێ نایەتەوە، بۆ گوزارشتکردن لە و حاڵەتە لە کوردەواریدا بە ئیدیۆم وتراوە: نان کەرتبوو، خۆی ناگرێتەوە. [1]
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 586 car hatiye dîtin
Raya xwe li ser vî babetî binivîsin!