گای جووتێ، بە گۆلکی دیارە
هاوشێوەی ئه و ئیدیۆمەش وتراوە: گوێرەکەی باری بە منداڵی، لە #هەولێر# و #کۆیە#ش دەڵێن: گۆلکی باری بەمنداری، گا: گوێرەکە، گۆلکەنێرە، کە تەمەنی دەگاتە(3) سێ ساڵی پێی دەوترێت: گا، گا لە کوردەواردا زۆرترین کاروباری ناو کێڵگەی پێ هەڵسوڕێنراوە وەکو: جووتکردن و نعور گێڕان و گێرە و گواستنەوەی کەل و پەل و...تاد، ئه و گایەی کە جووتی زەوی و زار و کێڵانی پێ دەکرێت پێی دەوترێت: گاجووت، ئه و جوتیار و ئاغا و دەرەبەگەی ژمارەی گاجووتی زۆر بووایە نیشانەی هەبوونی و دەوڵەمەندی بوو، بۆیە لە سیستەمی دەرەبەگایەتی پیاوانی ئاغا یەکێک لە کارەکانیان دزینی گاجووتی ئاغاکانی تر بوو، بە فیت و گاردان و پلانی ئاغاکانیان ئه و کارەیان ئەنجام دەدا، ئه و گۆلکە نێرەی جێی چاوی تێدابووایە خاوەنەکەی زوو ڕایدەهێنا بۆ کاری جووتکردن، چونکە ئەگەر بە گۆڵکی فێر نەکرێت کاتێک دەبێتە گا زۆر قورس ئه و کارەی دەکات و جۆتیار-جووتیاری بە هیلاکەت و ماندووبوون دەدات، ئینجا لێرەدا کورد جارێکیتر گای جووتی بە نمونە هێناوەتەوە بۆ ئامۆژگاری و پەند لێوەرگرتن و بە ئیدیۆمێکیتر دایڕێشتووە بۆ هەر شتێک کە لە سەرەتاوە نیشانە و ئاماژەی باش و چاکی تێدا بێت دەوترێت: گای جووتێ، بە گۆلکی دیاره، هاوشێوەی ئەمەش کورد بە جۆریتر وتویەتی: مانگە شەو، سەر لە ئێوارە دیارە، منداڵ نەژیێت لە گووی ڕادیارە).[1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 810 car hatiye dîtin
Raya xwe li ser vî babetî binivîsin!