ناونیشانی پەرتووک: چێژی نوێژ
نووسینی: ئیبنول قەییمی جەوزی
کۆکردنەوە و ئامادەکردنی: عادل عەبدوڵڵا شکور
وەرگێڕانی: #ئەیاد فەهمی#
چاپ: ناوەندی ڕێنوێن
ساڵ: 2022
چاپی: یەکەم

گومانی تێدا نییە نوێژ نووری دیدەی خۆشەویستانە، چێژی ڕوحیی یەکخواناسەکانە، تاقیکردنەوەی دۆخی ڕاستگۆیانە، تەرازووە بۆ ئەوانەی ڕێگایان گرتووەتە بەر، ڕەحمەتێکی ئارامبەخشە بۆ بەندەکانی، ڕێنوێنیی کردوون بۆی و پێی ناساندوون وەک میهرەبانی و ڕێزێک بۆیان، بۆ ئەوەی بەهرەمەند بن لە میهرەکەی و نزیکی لە ئەو بەدەست بهێنن. پێویستی بە بەندەکانی نییە، بەڵکوو بە فەزڵ و منەتی خۆی نوێژی بۆ داناون؛ پەرستشە بۆ دڵ و هەموو ئەندامەکان، بەشی دڵ تێیدا کامڵترین و مەزنترین بەشە، نوێژ ڕووکردنە خودایە، دڵخۆشی و چێژوەرگرتنە بە نزیکی لە خودا و دڵخۆشبوون بەخۆشەویستییەکەی، شادومانبوونە بە وەستان لە بەردەمیدا و ڕووکردنە ئەو و پشتکردنە غەیری ئەو، بەجێگایەندنی مافی بەندایەتییە هەتا بەو شێوەیە دەبێت کە پێی ڕازییە. [1] [2]