کەڵەشێر گەنم و هەرزنیشی پێ بدەی هێڵکەی ناکا
زۆرجاران کورد دەڵێت: (تەبیعات) دەرمانی نییە، هەر کەسە و بە سروشتی خۆی، ئەگەر یەکێک زۆر نەخۆش بێت دەوترێت: بە خوای ئاوی(حەیات)ی لە ژێر بکەیت چاک نابێتەوە، بەرخە نێر فرۆی نییە بۆیە عەبدوڵلا پەشێو دەڵێت: تا سێبەری ئەوان مابێت، هەردە بێت بەتەمای فرۆی بەرخە نێر بین، چاو لە زەردێنەی هێڵکەی کەڵەشێر بین، هەموو شت لە سروشتدا تایبەتمەندی و خوو و پێکهاتەی خۆی هەیە، بەنمونە: نێر نادۆشرێت، چۆلەکە شیری نییە، مریشک نازێت...تاد، لیرەش کەڵەشێر بەنمونە هێنراوەتەوە بۆ شتێکی(مستەحیل) هەموو گەنم و هەرزنی دونیای پێ بدەیت هەر هێڵکەی ناکات و سروشتی خۆی پێ ناگۆڕێت، ئەوە کراوە بە ئیدیۆم و بۆ کاری نەگونجاو لە کەس چاوەڕێ مەکە و هەرکەسە و سروشتی خۆی چۆنە هەروا دەبێت بۆیە کورد بەئامۆژگارییەوە دەڵێت: کەڵەشێر گەنم و هەرزنیشی پێ بدەی هێڵکەی ناکا.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 954 car hatiye dîtin