ناو: شێروان
ناوی باوک: سەعدی
نازناو: شێروان ساز
نووسینی: #خالید عومەر عوسمان#
شێروان ساز-مۆسیقا ژەن
ناوی تەواوی (شێروان سەعدی عەبدوڵڵا حسێن) ە، ساڵی 1969 لە گەڕەکی ئیسکانی شاری #هەولێر# لەدایک بووە، خوێندنی سەرەتایی تەواوکردووە، ساڵی 1984 دەستی بەکاری هونەری کردووە، ساڵی 1987 بووەتە ئەندامی تیپی مۆسیقای چرۆ تا ساڵی 1988 پاشان دابڕاوە بەهۆی سەربازی، ساڵی 1992 دەگەڕێتەوە و لە تیپی مۆسیقای هەولێر دەستبەکار دەبێت لەگەڵ مامۆستا نەجمەددین بابەکر سەرۆکی گڕوپ و گۆرانیبێژان (عاڕەب عوسمان-جەلال سەعید -نیزام شوکر-نەجمەددین ئاوارە)، بۆ ماوەیەک بەردەوام بووە و پاشان لە ساڵی 1997 بووەتە ئەندامی تیپی هونەرە میللییەکان و چەندین چالاکی ئەنجامدا لە ناوەوەی کوردستان و دەرەوەی وڵات، وە لە هەمانکات لە گڕوپی مۆزیکی ڕەسەن ئەندام بووە بە سەرپەرشتی مامۆستا شێرزاد سەرسپی، لەو گڕوپەش چەندین کاری هونەری ئەنجامداوە لە کوردستان و دەرەوەی وڵات، تاوەکوو ئێستاش بەردەوامە لە کاری هونەری لە بەڕێوەبەرایەتی هونەر و مۆسیقا، ساڵی 1998 ژیانی هاوسەرگیری پێکهێناوە و پێنج منداڵی هەیە چوار کوڕ و کچێک بەناوەکانی (شاهین-شەپۆل-شکار-سەهەند-ڤارین).
ئەم ژیاننامەم لەخۆی وەرگرتووە لە 15-07-2021[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 472 car hatiye dîtin
Raya xwe li ser vî babetî binivîsin!