دهۆک، هلۆری:
کچەکا باژێرێ دهۆکێ بۆ ئێکەمجار ل کوردستان و پارێزگەها دهۆکێ پرۆژەکێ تایبەت ل بارا ترافیکێ دروستکریە و ب دووماهی هاتیە، وەکو ئه و ددەتە دیارکرن ئەڤ پرۆژە دێ باشترین خزمەت ب کێمترین تێچو خزمەتا شوفێران کەت، بەلێ هەتا نوکە جهێن شولەژێ پرۆژێ وێ نە ئێخستیە کاری.
ڤەهین جەعفەر خودانا پرۆژەی بۆ ڕۆژناما ئەڤرۆ گۆت: (دەما ئەز قوتابیا پەیمانگەهێ و دەرچویی، من پرۆژێ دەرچونا خوە کریە ئەڤ داهێنانا کو وارێ ترافیکێ دایە، پرۆژە پێکدهێت ژ ئەپلیکەیشنەکێ کو تێدا ڕەنگێن ترافیکێ ب گورەی پێدڤی بوون تێدا هاتینە جێگیرکرن و ب ڕێیا بلوتوسی دشێن کونترولێ ل سەر ترافیکێ بکەین).
زێدەتر گۆت: (ئەم دشێن بکەینە ئوتوماتیک و ئەم دشێن بکەینە نورمال ژی، دەم ژی ب گورەی مە دڤێت بۆر اوستانا ترومبێلا ل ترافیکێ، مە ئەڤ پرۆژە تاقیکریە و سەرکەفتن ژی ئینایە، چێکرنا پرۆژەی ل واقعی هێشتا نوزانین چەند تێچو هەیە، بەلێ دشیان دایە بزانین چەند تێچو پێدڤی یە، ئەڤ پرۆژە دبیتە ئوفلاین و تنێ پۆلیسێن ترافیکێ دشێن بکاربینن، ئەگەر ئەڤ پرۆژە بکەڤیتە دوارێ بجهکرنێ دا دێ 80% بۆ 90% ڕوودانێن ترافیکێ و قەرەبالغێ کێم کەت و ب ڕەنگەکێ گەلەک باشتر ژ ترافیکا نوکە هەیی کارێن خوە کەن).
ڤەهینێ د درێژاهیا ئاخفتنێن خوە دا دیارکر ژی، جهێن شولەژێ پێشوازیا پرۆژێ وێ کریە و گۆت ژی: (هەتا نوکە چو تشت ل بەردەست نینن پرۆژە د واقعی دا بهێتە بجهئینان، ئەگەر ل کوردستانێ نەهێتە بجهکرن ئەگەر هەیە پرۆژێ خوە بفروشم عیراق یان وەلاتەکێ دی، ژ بەر کو من دڤێت خەلک مفای ژێ وەربگرن).[1]
Ev babet bi zimana (کرمانجی - کوردیی سەروو) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 523 car hatiye dîtin
Raya xwe li ser vî babetî binivîsin!