قەباڵەکۍ هۆرامانی
بەشۍ حۆتەمە
د. جەمال ڕەشید، جە ڕۊنامەو کاروانی ژمارە (1) و ساڵەو (1983)ینە، بە زوانی عەرەبی (ل 152-154)ەنە و جە گۊڤارو ڕۊشنویری نوێ ژمارە (106)و ساڵەو (1985)ینە بە زوانی کۊردی و جە بەرهەمو(دراسات کردیە فی بلاد سوبارتو)نە (ل 62-65)ەنە بە زوانی عەرەبی و جە بەرهەمو(لێکۆڵینەوەیەکی زمانەوانی دەربارەی مێژووی وڵاتی کوردەواری)نە، بە زوانی کۊردی جە بارەو قەباڵەکا هۆرامانیۆ، بە تایبەت ئانۍ هە کە مېژوو نویستەکەیش پەی ساڵەکا(11-12)و وەڵۍ زاینی مەگېڵۊوە، هۊرگېڵناو ئانەو (کاولی) پەی چوار جارا وەڵاش کەردەنۆ.
(پ) مەبەس و ناواخنەکاشا.
بابەتو دلېشان، ئەسای و ورەتەیەن، نامۍ ئا چېوەیە هەکە ورەشیان و نامۍ ئا کەسانە کە ورەشاو مسانا، یان ئەسانشا و ۋرەتەنشا و نامۍ شاهېڎەکا کە چاگە حازرۍ بیېنۍ و هاگاڎارۍ ئا مامەڵەیە بیېنۍ.
جە ناواخنو قەباڵەکانە، ئانېشا کە بە زوانی گریکی نویسیێنۍ، نامۍ شاهېڎەکا و نامۍ دەمەکەیشان چەنە بەرکەوتېنە، کەچی جە دمایېنېشانە، ئا جۊرە باوۍ نەمەنېنۍ، پەوکەی نامۍ شاهېڎی و نامۍ سەردەمی نامێنە.
ئەسای و ۋرەتەکەی ئینا ئاستو ناوچەیینە و مامەڵێوە گۊلانەن، کە شایانو ئانەیە نېیەن بلۊنە دادگا، یام داڎگاش چەنە هاگاڎار کریۊ، چونکم بیەی نامۍ (شای) جە قەباڵێ چامنەنە پەی ئا (باو و برەویە) و ڕاوڕەسمەیە مەگېڵۊوە کە (میرزای بنویس=کاتب) جە خەڵکیش وەرگېرتەن و فېربیەن و دەسش ئامانەرە پەنەش، چونکم گەر پاسەنەبیێ جە سەروکڵاو و ئەشکانیەکاچەنە ئا باو و برەوە نەفاڕیۍ، هەر پېسە قەباڵۍ یەرەمەنە بە ڕۊشنی دیارەن، ئا باوبرەوە نالەبارەیچە بە یاوانەو من جە یونانیەکاوە مەنەن جیا.
هۊرگېڵنای ناواخنو ئا قەباڵېشا کە (کاولی) لەیەکە دێنۆ:[1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (هەورامی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Ev babet 589 car hatiye dîtin
Raya xwe li ser vî babetî binivîsin!