قارچک ماددەی خۆراکی سوود بەخشی وەک پڕۆتین، کانزا و ڤیتامینەکان بە جەستە دەبەخشێت و گرنگییەکی زۆری لە درووست بونی خانەکانی جەستە دەبێت، هەروەها ئەم خواردنە دەوڵەمەندە بە کانزاکانی (ئاسن، مس، مەگنسیۆم، زینک، سلینیۆم و پۆتاسیۆم) و بڕێکی کەم سۆدیۆم و نیشاستە و چەوری تێدایه.
بەگوێرەی بابەتێکی تەندرووستی ماڵپەڕی کلیڤلاند کلینک، خواردنی قارچک کۆمەڵێک سوودی تەندرووستی بە جەستە دەگەیەنێت، کە ئەمانەن:
1-. پەرە بە سیستمی بەرگری جەستە دەدات بەهۆی بوونی ماددەی دژە ئۆکسانەکانەوە.
2- فشاری خوێن کەم دەکاتەوە و کۆنترۆڵی دەکات و دڵ و دەمارەکان لە نەخۆشییەکان دەپارێزێت.
3- خواردنی قارچک وا دەکات حەزت بۆ خواردنی خوێ کەم ببێتەوە و یارمەتی کێش دابەزین دەدات.
4- دەوڵەمەندە بە ڤیتامین D، بە تایبەت ئەگەر بۆ ماوەی 15 خولەک بخرێتە ژێر تیشکی خۆرەوە بۆ هەڵمژینی ڤیتامین D و سوود وەگرتن لێی.
5- مێشک دەپارێزێت لە نەخۆشییەکانی وەک زەهایمەر و پارکینسۆن.
6- دڵ بە تەندرووستی دەهێڵێتەوە و پارێزگاری لە خوێنبەرەکان دەکات.
7- پەرە بە تەندرووستی ڕیخۆڵەکان دەدات و هاوسەنگی بەکتریاکانی ڕیخۆڵە ڕادەگرێت. [1]