باڵیۆز د. #محەمەد سابیر# پیشوازی لە وەفدێکی باڵای ژووری بازرگانی #سلێمانی# کرد و ڕایگەیاند: ژووری بازرگانی سلێمانی مایەی سەرکەوتنە بۆ کوردستان.
ئەمڕۆ چوارشەممە #04-01-2023#، باڵیۆز د. محەمەد سابیر، سەرۆکی دامەزراوەی سەرۆک #جەلال تاڵەبانی# پێشوازی لە وەفدێکی باڵای ژووری بازرگانی سلێمانی کرد و ڕایگەیاند: ژووری بازرگانی و پیشەسازی سلێمانی ھەمیشە شوێن دەستی دیارە و مایەی سەرکەوتنە بۆ ھەرێمی کوردستان کە یەکێکە لە باشترین ژوورە بازرگانییەکان لەسەر ئاستی ئێڕاقدا.
هاوکات، باسی لە دامەزراوەی سەرۆک مام جەلال کرد و ئاماژەی بەوەدا: کار بۆ پاراستن و کۆکردنەوەی تەواوی ئەرشیفی کار و چالاکییەکانی سەرۆک مام جەلال دەکەین و بۆ ئەومەبەستەش کاری جدیمان کردووە و ئێستا لە قۆناغی کۆکردنەوەی بەڵگەنامە مێژوویەکانداین کە پەیوەستە بە مێژووی خەبات و تێکۆشانی سەرۆک مام جەلال وەک ڕابەرێکی نەتەوەیی و نیشتمانی.
هاوکات، سیروان محەمەد، سەرۆکی ژووری بازرگانی و پیشەسازی سلێمانی ڕایگەیاند: وەک ژووری بازرگانی سلێمانی بە ھەموو توانایەکەوە پشتیوانی لە کارەکانی دامەزراوەکە دەکەین. [1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 618 car hatiye dîtin
Raya xwe li ser vî babetî binivîsin!