#لەتیف ڕەشید# سەرۆک کۆماری ئێراق لەبارەی ناکۆکیەکانی نێوان پارتى و یەکێتی لەچاوپێکەوتنێکدا ڕایگەیاند، بۆ بەهێزکردنی پەیوەندیی لایەنە سیاسییەکان، هەموو هەنگاوێکمان ناوە، بۆ چارەسەری کێشەکانی نێوان پارتى و یەکێتیش نەک ئێستا، پێش ئەوەی بچمە #بەغدا#ش هەوڵمداوە و ئێستاش #19-1-2023# لە هەوڵى چارەسەرداین.
وتیشی: پێم وایە ئەمانەى کە هەن کێشەی گەورەنین لەنێوان پارتى و یەکێتیدا، زۆرجار سۆشیاڵ میدیاکان یارمەتیی نادەن و کێشەکان فراوانتردەکەن و تاڕادەیەکی زۆر کێشەکان تۆخدەکەنەوە لەنێوان هەردوولادا.
ڕاشیگەیاند، بە بۆچونی من ئەم کێشانە تێنەگەیشتنە لە هەندێک کاروباری حکومی و حزبی، پەیوەندیەکی بەردەوام و باشم لەگەڵ هەردوولادا هەیە و خەڵکی تریش هەیەتی و هەفتەی ڕابردوو لەگەڵ سەرۆک وەزیرانی هەرێم کە هاتە بەغدا گفتوگۆی ئەم بابەتەمان کردووە بۆ ئاسایبوونەوەی دۆخەکە، هیوادارین بەمزوانە هەردولا بگەنە ئەنجامێکی باش.
سەرۆک کۆماری ئێراق ئەوەشى وت: ئێمە تا بەهێزبین لە هەرێم و تا پەیوەندیی نێوان هێزە سیاسییەکانمان بەهێزبێت، زیاتر بەهێزتردەبین لەڕووی بودجە و لەڕووی جێبەجێکردنی بڕیارەکانیتر و لە هەموو ڕوویەکەوە، هیوادارم ئەم پەیامەم بگاتە سەرجەم لایەنە سیاسییەکان کە پێویستمان نەک هەر بەیەکێتیی، بەڵکوو پێویستمان بە یەکێتییەکی بەهێزیش هەیە بۆ ئەوەی لە بەغدا یەک ئامانج و یەک پڕۆگرام کۆمان بکاتەوە بۆ خزمەتی کورد. [1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 597 car hatiye dîtin
Raya xwe li ser vî babetî binivîsin!