برای محترم کاکە عزالدین
ڕۆژ باش
بمبوورە لە شکلی نوسینم لە کوردی تازە ناچێ، وامان لێ هاتوە بۆ نوسینی وەک (قل ولا تفل) ی مستەفا جواد بڵێین (بنووسە و مەنووسە) جا ئەوە کەی من هەمو بەر (مەنووسە) ئەکەوی: با ئەو (مە و نە) ی نەفی هەر بۆ نووسینەکەم بێ نەک بۆ ڕجایەکەم.. کوردێکی ناسیاو خەڵقی #ڕانیە#، لەبەر لاچەپی و گۆشەگیری ناوچەکە بێ پشتیوان و یارمەتیدەر، وا ئەم نامیلکەیەی هێنا خزمەتت ناوی زەکی ڕەسول عەبدولقادرە ئەیەوێ لە فەرعی زمانی کوردی دامەزرێ.. هەڵبەت ئەم داخوازیە و قبوڵ کردنە تابعی نظام و یاسایی هەیە: ئا لەو مەیانەی یاسا و نظام و یارمەتی دانی بۆ قبوڵ کردنی کارێکی انسانانە و موجبی سپاسی من و دڵ ڕاحەتی ئەوە، خۆ ئەویش وەک من سپاست ئەکا و منیش وەک ئەو دڵم ڕاحەت ئەبێ بەڵام هەریەکمان بەپێی هەڵوەستمان. ئیتر زۆر بە اشتیاقی دیتنەوە ئەم ڕجا نامەیەم نوسی و کۆتاییم پێ هێنا لەگەڵ کۆڵێک ئاواتی خۆش و چاکە. [1]
برات
#مەسعود محەمەد#
#21-10-1970#
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 771 car hatiye dîtin
Raya xwe li ser vî babetî binivîsin!