ناونیشانی بابەت: ڕۆژێک بۆ خۆشەویستی لەسەردەمی بێ خۆشەویستی
ئامادەکردن و نووسین: #ئارەزووی عەبدولخالق#
لەم سەردەمەدا ئێمەی مرۆڤەکان هێندە نامۆین بەیەکدی هێندە کەمتەرخەمین بەرانبەر یەکتر کاتمان نیەو ناپرژێین بیر لەیەکتر و لە دڵسۆزبوون بۆ یەکتر بکەینەوە!
ڕۆژانە تابتوانین و پێمان بکرێ چاڵ بۆ یەکتر هەڵەکەنین چاومان بەیەکدی هەڵنایەت ئەگەر یەکێک لەناومانا دڵسۆز و میهرەبان بێت تابتوانین پاشقولی لێ ئەگرین یەکێک دڵخۆش بێت بەتوانج دڵی ناخۆش ئەکەین دوان بەدڵ یەکتریان خۆش بوێت و بیانەوێ لەڕۆحی یەکتردا لانەیەک درووست بکەن هەر زوو تیری ناحەزی و سینەگڵاوییان تێ ئەگرین و جوان جوان و زۆر بەوردی و لەسەر خۆ ناخیان ئەکەین بە قەقنەس!
ئێمە زۆرینەمان فێرین کە بەدرۆ ژیان بکەین فێرین بەدرۆ عەشق بکەین فێرین تەنیا بۆ مەسڵەحەت و مەرامی گڵاو ژیان بکەین.
خۆشەویستی بێ خۆشەویستی لەم سەردەمەدا سەرچاوەی گرتووە و ڕووت و قوت و بێ شارەزا بوون لە هەموو ژیان بۆ خۆشەویستی ڕۆژێک هەڵەتۆقێت و ناو ئەنرێت ڕۆژی خۆشەویستی!
دەی کە ئیدی ئێمە نەتوانین لەناخەوە کەس و خزم و خوێش و دراوسێ و ناسیاو و هاوڕێ و هاوپیشە و هاوکار و کەسەکانی دەورووبەرمان خۆش بوێت و بەسینەیەکی پاکەوە مامەڵەیان لەگەڵ بکەین ئیدی من ئەپرسم
ڕۆژێ کوا خۆشەویستی دەستەبەر ئەبێت لەناخی هەریەکێکماندا؟
تایبەت بە #14-02-2023#ی ڕۆژی خۆشەویستی. [1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 873 car hatiye dîtin
Raya xwe li ser vî babetî binivîsin!