هەژمارا قوربانیێن ئەردهەژا وێرانکەر یا کو بەربانگا 6ێ سباتێ ل هەرێمێن #باکورێ کورستان#ێ و #ڕۆژئاڤایێ کوردستان#ێ، ترکیە و سووریێ ڕوو دایە، ژ 41 هەزار کەسان دەرباس بوو، هێڤیا دیتنا کەسێن ساخ ژی هەر دچە کێم دبە.
ل گۆری ئامارێن فەرمی، هەتا ئیرۆ پێنجشەمێ 35 هەزار و 418 کەسان ل ترکیێ و 5 هەزار و 801 کەسان ل سووریێ د ئەنجاما ئەردهەژێ دە جانێ خوە ژ دەست دانە.
ئۆپەراسیۆنێن لێگەرین و ڕزگارکرنێ هەتا نها ل چەند دەڤەران بەردەوامن و ل دەڤەرێن دن ژی هاتنە بداویکرن.
ئەڤ د دەمەکێ دە یە، سەکرەتەرێ گشتییێ نەتەوێن یەکگرتی ئانتۆنیۆ گۆتیرێس بانگەک ئاوارتە ژ بۆ کۆمکرنا 400 ملیۆن دۆلاران ژ بۆ ئالیکاریا زرارمەندێن ئەردهەژێ ل سووریێ د هەیاما سێ مەهان دە کریە.
گۆتیرێس بانگ ل هەموو وەلاتێن ئەندام کر کو «بێ دەرەنگی» ئالیکاریان کۆم بکن، دا کو دێ بۆ نێزیکی پێنج ملیۆن سوورییان بن کو پێویستیا وان ب جﮪ، ئالیکاریێن پزیشکی و خوارنێ هەیە.
ژ دەمژمێرێن یەکەمێن ئەردهەژێ ڤە، هەرێما کوردستانێ دەست ب هەلمەتەکە مەزنا ئالیکاریا زرارمەندێن ئەردهەژێ کریە و حکوومەتا هەرێمێ و دەزگەها خێرخوازی یا بارزانی چەند کاروانێن ئالیکاریێن خوارن، پزیشکی، ئامبوولانس و تیمێن پزیشکی دشینە باکورێ کوردستان، ترکیە و ڕۆژئاڤایێ کوردستانێ.
د ڤێ دەربارێ دە ژی، سەرۆکۆمارێ ترکیێ ڕەجەپ تاییپ ئەردۆگان سپاسی و پێزانینا خوە ژ بۆ ئالیکاریێن مرۆڤی یێن #هەرێما کوردستان#ێ و تیمێن وێ نیشان دا، کو ژ دەستپێکێ ڤە ب هاوار و ئالیکاریا قوربانیا هات و خوە گهاندنە دەڤەرێن کو زیان دیتنە و ئالیکاری پێشکێشی زرامەندان کرن.[1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کرمانجی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 874 car hatiye dîtin
Raya xwe li ser vî babetî binivîsin!