هەرچەندە خانەکانی جەستەی مرۆڤ پێویستیان بە ئاو هەیە بۆ ئەوەی بەشێوەیەکی باش کاربکەن ئەمەش زانیارییەکی ناسراو و سەلمێنراوە، بەڵام لێکۆڵینەوەیەکی نوێی پزیشکیی دەڵێت زیادەڕەوییکردن لە ئاوخواردنەوە دەبێتە هۆی ژەهراوییکردنی جەستەی مرۆڤ یان تێکچوونی ئەرکەکانی مێشک و مەترسیی گەورە لەسەر ژیانی درووستدەکات.
بەگوێرەی پێگەی (Diet & Weight Management) لێکۆڵینەوەکەدەڵێت: کاتێک بڕێکی زۆر ئاو لە خانەکاندا کۆدەبێتەوە لەناویاندا خانەکانی مێشک، ئەمە دەبێتە هۆی ئاوسانیان، کاتێکیش خانەکانی مێشک دەئاوسێن ئەوە گوشارێک درووستدەکات کە نیشانەی تری وەک سەرلەگێژەوەهاتن و خەواڵوویی و سەرئێشەی لەگەڵدا دەبێت.
ئەوەش هاتووە: کاتێک ئەو فشارە زیاتر دەبێت، حاڵەتەکانی وەک بەرزبوونەوەی پەستانی خوێن و خاوبوونەوەی لێدانی دڵ دوروستدەبێت، هەروەها لەوانەیە ببێتە هۆی کەمبوونەوەی ڕێژەی سۆدیۆم، کە توخمێکی گرنگە کە یارمەتیی پاراستنی هاوسەنگی شلە دەدات لە ناوەوە و دەرەوەی خانەکان.
کاتێکیش بەهۆی زۆری بڕی ئاوەوە ئاستی سۆدیۆم کەمدەبێتەوە، شلە دەچێتە ناو خانەکان و ئەستوور دەبێت، لەوکاتەشدا مەترسیی تووشبوون بە فێگرتن یان لەهۆشچوون و تەنانەت مردنیشی دەبێت. [1]
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 591 car hatiye dîtin
Raya xwe li ser vî babetî binivîsin!