ئەنجوومەنی سەرکردایەتیی یەکێتی: سەرجەم ڕێکارەکانی یەکێتی لەبارەی پەیڕەو، پرسی سەرۆکایەتی و ئەو سکاڵا و تانانەی لە دژی بڕیارەکانی یەکێتی لە دادگاکان تۆمارکرابوون، بە ڕێڕەوی یاسایی لە بەرژەوەندی سەرۆک #بافڵ تاڵەبانی# یەکلاکراونەتەوە و تەواوی ئەو بڕیارانەش کە دراون، ئەنجوومەنی سەرکردایەتی پەسەندیکردوون.
لە ڕوونکردنەوەیەکی سکرتاریەتی ئەنجوومەنی سەرکردایەتی کە #07-02-2023# ئاڕاستەی سەرجەم ئۆرگانەکانی #یەکێتیی نیشتمانیی کوردستان#ی کردووە و ئیمزای فەرید ئەسەسەرد، سکرتێری ئەنجوومەنی سەرکردایەتی لەسەرە و دوای ئاماژەدان بە ڕێکارە یاساییەکان و دەرچوونی بڕیارەکان لە دادگای بەرایی لێکۆڵینەوە، فەرمانگەی کاروباری پارت و ڕێکخراوە سیاسییەکان و ئەنجوومەنی کۆمسیاران لە کۆمسیۆنی باڵای سەربەخۆی هەڵبژاردنەکانی ئێراق، ئەم پرسە ڕوونکراوەتەوە و تێیدا هاتووە، تەنیا ئەنجوومەنی سەرکردایەتیی یەکێتی لایەنی پەیوەندیدارە لە بڕیاردان بۆ کاروباری ناوخۆیی و هیچ لایەنێکی تر بۆی نییە دەستوەردان لەم بابەتانەدا بکات و ئەگەر هەوڵێکی لەو جۆرەش هەبێت، ئەوا هەنگاوی سیاسی و یاساییمان دەبێت، چونکە هەموو دەستتێوەردانێک لە کاروباری ناوخۆی یەکێتی هێڵی سوورە. [1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 417 car hatiye dîtin