=KTML_Bold=بەرهەم ساڵح، کار بۆ دووبارە چوونەوە بۆ کۆشکى سەلام دەکات=KTML_End=
#بەرهەم ئەحمەد ساڵح# بە بەرپرسانى باڵاى حزبەکەى ڕاگەیاندووە، لە ئێستادا #24-02-2023# هیچ بەرنامەیەکى نییە پۆستێکى باڵا لە ناو حزبەکەى وەربگرێت.
لە چەند ڕۆژى ڕابردوو دەنگۆى ئەوە بڵاوکرایەوە بەرهەم ساڵح، سەرۆککۆمارى پێشووى ئێراق و ئەندامى ئێستاى سەرکردایەتى یەکێتیى پۆستى سەرۆکى ئەنجوومەنى باڵاى سیاسى و بەرژوەندییەکانى یەکێتیى لە شوێنى #کۆسرەت ڕەسوڵ# وەردەگرێت، وەرگرتنى ئەو پۆستە یا هەر پۆستێکى دیکەی باڵا، لە ئێستادا لەنێو #یەکێتیى نیشتمانیی کوردستان# ڕەتکردۆتەوە و بە بەرپرسانى حزبەکەى ڕاگەیاندووە، لە ئێستادا هیچ بەرنامەیەکى لەو شێوەیەى نییە.
وەرگرتنى پۆستى سەرۆکى ئەنجوومەنى باڵاى سیاسى و بەرژەوەندییەکانى یەکێتیى لە ئێستادا بۆ ناوبراو ژمارەیەک ئاستەنگى لە پێشە یەکێک لە ئاستەنگەکان ئەوەیە دانانى هەرکەسێک لەو پۆستە دەبێت کۆنگرە بڕیارى لەسەر بدات و لە هەمانکاتیشدا بەشێک لە ئەندامانى ئەنجوومەنەکە لەنێوشیان #مەلا بەختیار#، نەیارێکى سەرسەختى بەرهەم ساڵح ئەستەمە ڕێگە بدات ناوبراو بچێتە ئەو شوێنە.
کارکردن و جموجۆلەکانى ئێستاى بەرهەم ساڵح بەو ئاڕاستەیە کە لە خولى داهاتووى سەرۆکایەتى کۆمار دووبارە ببێتەوە سەرۆککۆمار و لە ئێستاشەوە ئامادەکارى دەکات بۆ لادانى ئاستەنگەکان و ئاسایکردنەوەى پەیوەندییەکانى لەگەڵ لایەنە ناوخۆییەکانى هەرێم و ئێراق و وڵاتانى دراوسێ. [1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 543 car hatiye dîtin
Raya xwe li ser vî babetî binivîsin!