میدیای تورکیا بڵاویکردەوە کە بەرپرسێکی باڵای پەکەکە بەناوی (دۆغان نورهان) شەهیدکراوە کە ئەندامی کۆنسەی هەواڵگری #پەکەکە# بووە.
ئاوێنە: بەپێی هەواڵی ئاژانسی ئەنادۆڵ، #ئەردۆغان ئوناڵ# کە نازناوی دۆغان نورهانە و ئەندامی کۆنسەی هەواڵگری پەکەکە بووە، لە بۆردومانی سوپا و دەزگای هەواڵگریی تورکیا لە قەندیل شەهیدکراوە.
ئەو ئاژانسە ئاماژە بۆ ئەوەش دەکات کە بەرپرسەکەی پەکەکە هاندەر و دەستپێشخەری هێرشەکەی هەولێر بووە کە تێیدا جێگری کۆنسوڵی تورکیا لە هەولێر (عوسمان کۆسە) کوژرا.
هەرئەمڕۆ هەینی، ڕەجەب تەییب ئەردۆغان لەمیانی لێدوانێکیدا بۆ ئەندامانی پارتی داد و گەشەپێدان ڕایگەیاند، سەرجەم ئەنجامدەرانی ئەو هێرشە چەکداریەی کە لە هەولێر بەرانبەر دێپلۆماتکارەکەمان ئەنجامدرا دەستگیرکراون.
ئوناڵ، لە 1990 بۆتە ئەندامی پەکەکە، لە 1994-1998 زیندانی کراوە و دوای ئازادبوونی لە زیندان چۆتە شاخ، هاوکات ئوناڵ ئەندامی هەواڵگری پەکەکە بووە.
ئەم هەواڵەی میدیای تورکیا لەکاتێکدایە کە تائێستا پەکەکە هیچ ڕاگەیەنراوێکی لەبارەی شەهیدکردنی ئەم ئەندامەیەوە بڵاونەکردۆتەوە. [1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 280 car hatiye dîtin
Raya xwe li ser vî babetî binivîsin!