ناڤ: عەبدولڕحیم
ناسناڤ: وەفایی
ناڤێ بابێ: مەلا غەفوور
ساڵا ژ دایکبوونێ: 1844ز
ساڵا مرنێ: 1902ز
جهێ ژ دایکبوونێ: #مەهاباد#
جهێ مرنێ: عەرەبستان
$ژیاننامە$
ناڤێ وی «عەبدولڕەحیم کوڕێ مەلا غەفوور کوڕێ مەلا نەسروڵڵایی»ە، ل ناڤ خەلکیدا ب «میرزا عەبدولڕەحیم» دهاتە ناسکرن، ئو ناسناڤا شیعریا وی «وەفایی» بوو. عەبدولڕەحیم ل ساڵا 1844ێ زایینی ل باژارێ سابڵاغ (مەهاباد)ێ ژدایکبوویە. خواندنا خوە یا سەرەتایی و زمانێ عەرەبی ل باژارێ مەهابادێ ب دوماهی ئینایە و هەر ل وی باژێری ئیجازەیا مەلاتیێ وەرگرتییە. لێ ل ناڤ خەلکیدا وەک مەلا نەهاتییە ناسکرن و ب ناڤێ میرزا دهاتە گازیکرن. هەر وەسا هیچ بەڵگەیەک بەر دەست نینە ژ بۆ هنێ کو بسلەمینیت وەفایی مەلاتی کربیت. لێ قوتابخانەیا تایبەت ب خوە هەبوویە و وانە ژ بۆ زارۆکان ڤەکرینە و هەر ب وی رێکێ ژیایە.
وەفایی زەکات، سەرفترە و دەستحەقێ فەقێیاتیێ وەرنەگرتینە و وەکی مە باس کری هەر ب ڕێیا دەرس و وانە گۆتنێ خوە ژیاندییە. #شێخ عوبەیدوڵڵای نەهری# یەک ژ حەزکریێن هەلبەستێن وەفایی و وەفایی ب خوە بوویە و هەر ب وی ڕێکێ وەفایی ناس کرییە و ژێ نزیک بوویە. وەفایی سەردەمەک درێژ لدەف شێخ عوبەیدوڵڵای ژیایە و هەلبەست بۆ وی خواندنە و هەروەها سکرتێرێ نڤێسێن وی بوویە و کاروبارێ خواندەوانیا وی برێڤەبرینە. یەک ژ خەون و هیڤیێن وەفایی حەج کرن بوویە، ڕەنگە ئەڤ حەزە ژبەر باوەڕێن وی یێ ئایینی یان ژ بەر حەزا وی بۆ سەفەر و گەشتکرنێ دەف وی چێ ببیت.
ل ساڵا 1900ێ ل داوی گەشتا خوە ژ بۆ باژارێ سلێمانیێ وەسا دیار دبیت کو ماوەیەکێ ل ڤێرێ ژیایە و ل ساڵا 1902ێ ژ بۆ جارا سێ یێ چوویە حەجێ. هەروەها دهێتە گۆتن کو ل ساڵا 1898ێ لگەل شێخ سەعیدێ حەفید چوویە ئەستەمبۆلێ و ل ڤێرێ ژی چووینە وەڵاتێ حیجاز. هەر چاوا بیت وەفایی لگەل کاروانێ شێخ سەعیدێ حەفید و سەید ئەحمەدێ خانەقا و شێخ مستەفایێ شێخ عەبدولسەمەدێ قازی و حاجی تۆفیقێ پیرەمێرد چوویە حەجێ، ئەگەر هەمی ئەڤ کەسە گەل وی کاروانی نەبن ژی، ل ڕێیا ڤەگەڕیانێدا ئەڤ کەسەنە لگەل ئێکدا ڤەگەڕیاینە.
وەفایی ل دەمێ ڤەگەڕیانا حاجییان، ل بیابانا عەرەبستانێ تووشی نەساخییا زەحیری دبیت و مەرگ ڕێکێ نادەت ڤەگەریتە وەڵات و نیشتمانێ خوە، هەر ل وی وەڵاتی و ل دووری کەس و کارێن خوە کۆچا داوی دکەت و تەرمێ وی ل ساڵا 1902ێ ژ لایێ هەڤسەفەر و هەڤاڵێن وی ل بیابانا شامێ دهێتە ڤەشارتن. ئێک ژ هەلبەستێن ناڤدارێ هەلبەستڤان وەفایی، هەلبەستا « شیرین تەشی دەڕێسێ»ە کو بوویە ستران و ژ لایێ گەلەک هونەرمەندان ڤە هاتییە سترین. [1]
Ev babet bi zimana (کرمانجی - کوردیی سەروو) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 735 car hatiye dîtin
Raya xwe li ser vî babetî binivîsin!