دەسکاری ئەو وشانە نەکەین کە ماڵی بوونە
بە لای منەوە چاکتر وایە دەسکاریی ئەو وشانە نەکەین کە ماڵی بوونە و لەسەردەم ڕاهاتوون و خاوەن ماڵ نایانناسێتەوە: زەین (ذهن) ، کڵۆج (کل وجه) ، مۆلەکە (معلق) ، مۆڵەت (مُهلة) ، ماشقە (معشوقة) و لەم بابەتانە، بۆچی دەبێت جامانەیان لەسەر داگرین! فەرموو برا عەرەبەکانمان ڕۆژێک لەگەڵ ئەوە خەریک نەبوون برنامج (بەرنامە) ، ڕوزنامة (ڕۆژنامە) ، تیزاب (تیژاو) ، سرداب (سارداو) ، سراب (سەراو) ، بندر، بوري، فردوس، جهنم، بند، دستور، ارجوان، قبج (کەو) ، قباء (کەوا) ، جوارب (گۆرەوی) ، جلنار (گوڵنار) ، پەردە، ساز، ڕاست (ڕاست) ، (یەکگا و دووگا و سێگا و ...) ، نیم و نای، و نماذج بگۆڕن بە زمانی عیبرانی یا گەلێکی تری سامی، ئیتر ئێمە بۆچی ”نوێنەر“ بکەین بە ”ئاکتەر“؟ بۆچی ”شێوە“ بکەین بە ”فۆرم“؟ وەک کورد ئەفەرمووێ، ”لە جێی سنگان، قوزەڵقورتە“ و چاکتر وایە بڵێم، ”سوورم دا بە سوور، کرمە کرمی زیاد!“ بە هەزار وشەی یۆنانی و لاتینی و فەرەنسی و سریانی و تورکی لە زمانی عەرەبیدا هەیە و لای نابەن. بە وتەیەکی کورت و بۆ نموونە، نە (الاثیر، أبنوس، و الماس) ، نە (ابریل و اسطبل، آذار، و ایلول) ، نە (بارود و باسطرمة و برید و بنزین و ...) عەرەبییە و ئەمە و هەزارانی تر، بەڵام نامەخوا ئەوان ئەتوانن چاری بکەن ...
مامۆستا #عوسمان شارباژێڕی#
کاغەز بۆ د. #نەسرین فەخری#
شوباتی 1971[1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 229 car hatiye dîtin
Raya xwe li ser vî babetî binivîsin!