خواردنی دەرمانی گیایی بۆ مەبەستی چارەسەری نەخۆشی، کارێکی هەروا ئاسان نییە، بیکڕیت و بیخۆیت پێویستی بەوەیە، نەخۆش سەردانی پزیشکی پسپۆڕی دەرمانی گیایی بکات یان کەسانێک کە لە بواری دەرمانی گیایی شارەزان و پسپۆڕن دەبێت لای ئەوان چارەسەر بەدەرمانی گیایی بۆ نەخۆشییەکەی وەربگرێت.
بەکارهێنان و فرۆشتنی دەرمانی گیایی بە نەخۆش و بە خەڵک بەرپرسیاریەتییەکی گەورەیە، چونکە دەرمانی گیایی کار لەسەر ئەندامەکانی جەستە دەکات و ئەگەر بە نەشارەزایی دەرمانی گیایی بدرێت نەخۆش بەدڵنیاییەوە زیانێکی زۆر گەورەی دەبێت یان ئەندامێکی جەستەی لەدەست دەدات یا دەبێتە هۆی ژەهراوی بوون و گیان لەدەستدانی نەخۆش.
ئەو کەسانەی دوکانی بەهارات فرۆشیان هەیە، دەرمانی گیایی دەدەن بە نەخۆش یان بە خوێندنەوەی چەند پەرتووکێک لەسەر گژوگیای پزیشکی نابێت دەرمانی گیایی ئامادە بکەن و بیدەن بە نەخۆش.
هەر گژوگیایەکی پزیشکی و دەرمانێکی گیاییت ویست بۆ مەبەستی چارەسەری نەخۆشییەکەت بەکاری بێنیت، لە ڕێگەی سۆشیال میدیا مەیکڕە و داوای مەکە، چونکە زۆر جار دەرمانی گیایی ساختە و قاچاغ و بەسەرچووە، کەسانێکی نەشارەزا دەیفرۆشن و زۆر جاریش دەرمانی کیمیایی تێکەڵ بە گژوگیای پزیشکی دەکرێت، ئەوەش زۆر مەترسیدارە لە ڕابردوو چەندین کەس بەهۆی ئەو جۆرە دەرمانانەی کڕیان لە ڕێگەی سۆشیال میدیا کە سرووشتی و گیایی نەبوون گیانیان لەدەستدا، بەتایبەت دەرمانی گیایی بۆ مەبەستی قەڵەوی دەموچاو یا قەڵەوی هەموو جەستە و گەورەکردنی سینگ و سمت و ڕان و لاوازی جنس و نەزۆکی پیاوان و خانمان. زۆر خراپ و مەترسیدارن بەتایبەت لەسەر گورچیلە و جگەر و گەدە و قۆڵۆن و غودە و دڵ چاو. [1]
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 592 car hatiye dîtin
Raya xwe li ser vî babetî binivîsin!