بەپێی توێژینەوەیەک %80ی خانمان پاش کوورتکردنەوەی قژیان پەشیمان دەبنەوە و بیری ستایلە کۆنەکەیان دەکەن، ڕەنگە ئەمەش بۆ جاری داهاتوو وایان لێبکات بەزەحمەتتر بیر لە بڕینی قژیان بکەنەوە لە ترسی ئەوەی پەشیمان ببنەوە.
=KTML_Bold=بۆ ئەوەی پەشیمان نەبیتەوە، پێش بڕینی قژت ئەم ڕێنماییانە جێبەجێ بکە.=KTML_End=
1. بزانە کە چیت دەوێت، ئەگەر بتەوێت تەنیا کۆتایی قژت ببڕیت جیایە لەوەی قژت بدەیتە دەستی ئەو کەسەی قژت دەبڕێت، بەباشی تێیبگەیەنەوە لەوەی چیت دەوێت و چ ستایلێکت دەوێت.
2. پاش بڕینی قژت ڕەنگە لە ئارایشتگاکە خۆتت بەدڵ بێت، کاتێک دەگەڕێیتە ماڵەوە و پاش چەند ڕۆژێک ستایلەکە دەبینیت ڕەنگە پەشیمان بیتەوە، ئەمەش بەهۆی ئەوەیە کە گرنگ بە قژت نادەیت، پێویستە گرنگی بەردەوامی پێبدەیت.
3. قژت مەبڕە تا ئەو کاتەی خۆت دەتەوێت گۆڕانکاری بکەیت و قژت ببریت، هەرگیز لەبەر کەسانی دیکە و دووبارەکردنەوەی ستایلەکانیان ئەو بڕیارە مەدە.
4. بە وریایی ئەو کەسە هەڵبژێرە کە قژتی لادەبڕیت، پێویستە شارەزایی تەواوی هەبێت و بتوانێت ئەو ستایلەی دەتەوێت لەگەڵ شێوەی ڕوخسارت بیگونجێنێت. [1]