وەزارەتی دارایی و ئابووریی ھەرێمی کوردستان ڕایگەیاند، #بەغدا# 400 ملیار دینارەکە دەنێرێت و دەست بە دابەشکردنی مووچەی مانگی چوار دەکرێت. بەڕێوەبەری ڕاگەیاندن و پەیوەندییەکانی وەزارەتی دارایی و ئابووریی ھەرێمی کوردستان هونەر جەمال، ڕایگەیاند: بەو 400 ملیار دینارەی لەلایەن بەغداوە نێردراوە، ئێمە 600 ملیار دینارمان بۆ مووچەی مانگی چوار بەردەستە و لەمڕۆوە #14-05-2023# دەست بە دابەشکردنی مووچەی مانگی چوار دەکەین. ئاماژەی بەوەشکردووە، وەکوو ئەنجوومەنی وەزیرانی ئێراق بڕیاری لێداوە، چاوەڕوانین 400 ملیار دیناری دیکەش بگاتە دەستمان و ئەویش بۆ مووچەی مانگی چوار دەبێت. بەرپرسەکەی وەزارەتی دارایی ئاشکراشیکرد، مووچە بەپێی خشتەی ڕاگەیاندراو دابەش دەکرێ و هیچ گرفتێک نییە، ڕاشیگەیاند، دابەشکردنی مووچە بەپێی ئەو لیستە دەبێت، کە وەزارەتی دارایی و ئابووری ڕایگەیاندووە و هیچ گۆڕانکارییەکی تێدا ناکرێت. هونەر جەمال ڕوونیشیکردەوە، هۆکاری دواکەوتنی مووچە بۆ ئەوە دەگەڕێتەوە، ڕێژەیەکی زۆر کوورتهێنانمان لەپارەی تەرخانکراو بۆ مووچە هەیە، 35% کوورتهێنانمان هەیە و 400 ملیارەکەی دیکەش بنێردرێت ئەو کوورتهێنانە نامێنێت. باسی لەوەشکرد، بەراورد بە مانگەکانی دیکە، تەنیا ئەم مانگە مووچە دوا کەوتووە، تاوەکوو کۆتایی ئەم مانگە بودجە پەسەند دەکرێت و گرفتی دارایی چارەسەر دەبێت و پشکی هەرێمی کوردستان ڕەوانە دەکرێت و مووچە لە کاتی خۆیدا دەدرێت. [1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 387 car hatiye dîtin