محەمەد شوکری محەمەد سەعید، سەرۆکی دەستەی وەبەرهێنان ڕایگەیاند: ئەگەر ئەمساڵ 2023 دەست بە درووستکردنی یەکەکانی نیشتەجێبوونی تایبەت بە کرێنشینان و کەمدەرامەتان بکرێت؛ لە ناوەڕاستی ساڵی داهاتوو، تاوەکوو ساڵی 2025، کرێنشینان دەتوانن یەکەکان وەرگرن و بچنە ناوی.
سەرۆکی دەستەی وەبەرهێنان لە لێدوانێکیدا بە فەرمانگەی میدیا و زانیاریی حکومەتی هەرێمی کوردستانی ڕاگەیاند: ''درووستکردنی یەکەکانی نیشتەجێبوون، پڕۆسەیەکی دوورودرێژە؛ بەشێوەی ئەلیکترۆنی ناوەکان وەرگێڕاون، بەڵام ئێمە لە هەندێک شوێن کێشەی زەویمان هەبوو؛ ئێستا لە #زاخۆ# بەنزیکەیی هەنگاوی دەستپێکردنمان ناوە.
د. محەمەد شوکری ڕاشیگەیاند: ئێمە بەڵێنمان داوە پڕۆژەکە لە مانگی پێنجی ئەمساڵەوە 2023 دەست پێ بکات و لە ماوەی ساڵێکدا تەواو بێت، هەروەها لە #هەولێر#یش بەهەمان شێوە و لە #سلێمانی#ش ئەگەر زەویمان پێ بدرێت، ئامادەییمان هەیە دەست پێ بکەین.
سەرۆکی دەستەی وەبەرهێنان ئاماژەی بەوەش کرد هاووڵاتییان دەتوانن کەڵک لەو یەکەی نێشتەجێبوونانە وەربگرن و ببنە خاوەنی شوێنی نیشتەجێبوونی خۆیان، ئەگەر لەمساڵدا 2023 دەستیان پێ بکرێت، ئەوا لە ناوەڕاستی ساڵی داهاتوو تا ساڵی 2025، هاووڵاتییان دەتوانن بچنە ناو شووقەکانیان. [1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 338 car hatiye dîtin
Raya xwe li ser vî babetî binivîsin!