سێ بەگاییە
لە کەلتووری کوردەواریدا بۆ هاوسەرگیری کچان و کوڕان زۆر شێواز و ڕێچکە گیراونەتە بەر وەکوو: ژن بەژنە و گەورە بە گچکە و بنپشک و سێ بەگایی و حەوت بەگایی و بەرخوێن و بەماڵ و پێشکەش و ..تاد، سێ بەگایی جۆرێکە کەتێیدا سێ کچ بەمێرد دەدرێن و سێ کوڕیش ژنی دەهێنن، بەڵام وەکوو گەورە بەگچکە و بن پشک و ژن بەژنە نییە، بەڵکوو بەو شێوەیەیە:
ئازاد حەز دەکات خوشکی (شاکێو) بخوازێت، شاکێویش حەز دەکات خوشکی (ئاسۆ) ی بخوازێت، ئاسۆش دەیەوێت خوشکی ئازادی بخوازێت، کە هەموو لایەک ڕێک کەوتن هەر کەسە و داخوازی خۆی پێ درا بەوە دەوترێت: سێ بەگایی، ئەو زاراوەش بە بۆچوونی خۆم لە بەگا هاتنی مێنگین-چێڵ-مانگا هاتووە، ئەو داب و نەریتەی ژنهێنانە کارێکی ناڕەوا بووە بەرانبەر کچان و کوڕان کراوە، زۆریشی ویستووە تا قەناعەت و ڕەزامەندی هەموو لایەک وەرگیراوە، ئەوە بووە بە ئیدیۆم و بەکارێکی قوورس دەوترێت: ئەو کارە سێ بەگاییە بەمن ناکرێت.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 313 car hatiye dîtin